बॉलिवूड अभिनेता संजय मिश्रा यांनी दमदार अभिनय व कॉमिक टायमिंगमुळे रसिकांच्या मनावर अधिराज्य गाजवले आहे. तो प्रेक्षकांना खळखळून हसविण्यासाठी आणि रडविण्यासाठी माहिर आहे. संजय मिश्रा सोशल मीडियावर सक्रीय असून फोटो व व्हिडिओ शेअर करत असतात. नुकताच त्यांनी ट्विटर अकाउंटवर एक व्हिडिओ शेअर केला आहे. या व्हिडिओत ते ऑगस्ट क्रांती रेल्वेगाडीतून प्रवास करताना दिसत आहेत. विशेष म्हणजे या व्हिडीओमध्ये त्यांना नीट ओळखताही येत नाही आहे.
संजय मिश्रा यांनी त्यांच्या ट्विटर अकाउंटवर एक व्हिडीओ शेअर केला आहे. ज्यात ते ट्रेन अटेंडन्टच्या सीटवरुन झोपलेले दिसत आहेत. संजय अटेंडन्टच्या सीटवर झोपलेले असतात आणि अचानक त्यांच्यासमोर कॅमेरा येतो. त्यानंतर आरपीएफ पोलिसांसोबत फोटो क्लिक करताना दिसत आहेत. या व्हिडीओला कॅप्शन देताना त्यांनी लिहिलं, कधी पॅसेंजर, कधी अटेंडन्ट. फक्त जीवनाचा प्रवास एन्जॉय करायचा दुसरा कोणताच पर्याय नाही. त्यांच्या या ट्वीटमध्ये त्यांनी ऑफिशिअल IRCTC अकाउंटला आणि रेल्वे मिनिस्ट्रीला सुद्धा टॅग केलं आहे.