OMG!! हृतिकच्या पप्पांचीही ‘मोहेंजोदडो’ने केली निराशा ?

हृतिक रोशनच्या ‘मोहेंजोदडो’ला समिक्षकांची संमिश्र पसंती मिळाली. प्रेक्षकांनी तर ‘मोहेंजोदडो’कडे पाठच फिरवली. हृतिकच्या चाहत्यांनाही हा चित्रपट भावला नाही. आशुतोष गोवारीकर यांच्याच ‘जोधा अकबर’मधील हृतिकला प्रेक्षकांनी अक्षरश: डोक्यावर घेतले होते. पण यावेळी आशुतोष यांनी हृतिकच्या चाहत्यांची पुरती निराशा केली. एका दैनिकाने केलेल्या दाव्यानुसार, हृतिकचे पापा राकेश रोशन यांना तर आधीच याचा अंदाज आला होता. हा चित्रपट हृतिकच्या फार काही फायद्याचा ठरणारा नाही, हे त्यांनी आधीच ओळखले होते. त्यामुळेच ‘मोहेंजोदडो’चे preview shows टाळले गेले. सामान्यत: हृतिकचा कुठलाही चित्रपट असो राकेश रोशन त्यांचे मित्र, सहकारी आणि चित्रपटाच्या संपूर्ण टीमसाठी त्या चित्रपटाचे preview shows आयोजित करतात. मात्र ‘मोहेंजोदडो’बद्दल असे काहीही घडले नाही. एका सूत्रांनी दिलेल्या माहितीनुसार, राकेश रोशन यांनी रिलीजपूर्वीच ‘मोहेंजोदडो’ पाहिला होता आणि आशुतोषच्या कामाबद्दल ते कमालीचे नाराज होते.  चित्रपटात फारसा दम नाही, हे ताडूनच त्यांनी सगळे preview shows रद्द केलेत. राकेश रोशन तांत्रिकदृष्ट्या ‘मोहेंजोदडो’च्या निर्मात्यांमध्ये नव्हते. त्यामुळे ही बातमी किती खरी हे सांगता येणार नाही. पण ‘मोहेंजोदडो’चे preview shows झालेच नाहीत, हे मात्र तुम्ही आम्ही पाहिलेच. तेव्हा बातमी पूर्णपणे खोटी ठरवून तरी कसे चालेल!!