OMG : ​‘स्टुडंट आॅफ द ईयर-२’ मध्ये ईशान खट्टर नाहीच, करणने केले निश्चित !

शाहिद कपूरचा लहान भाऊ ईशान खट्टर सध्या चर्चेत खूप चर्चेत आहे. करण जौहरच्या प्रोडक्शन हाऊसचा चित्रपट ‘धडक’मधून ईशान डेब्यू करणार आहे. हा चित्रपट ‘सैराट’ या मराठी चित्रपटाचा रीमेक असून त्याच्यासोबत अभिनेत्री श्रीदेवीची मुलगी जान्हवी कपूर असणार आहे.  धडक व्यतिरिक्त ईशान अजून एका गोष्टीमुळे चर्चेत आहे. असे ऐकण्यात येत आहे की, 'स्टुडंट आॅफ द ईयर-२' मध्ये टायगर श्रॉफसोबत ईशान खट्टर महत्त्वाच्या भूमिकेत दिसणार आहे आणि ईशानला दुसरा चित्रपटदेखील करण जौहरसोबतच मिळाला आहे. मात्र ही बातमी खोटी ठरली. याबाबत स्वत: करण जौहरनेच ट्विटरद्वारे स्पष्टिकरण दिले आहे. ट्विटरवर असे लिहिले आहे की, ‘शशांक खेतानद्वारा निर्देशित चित्रपट ‘धडक’मध्ये ईशान खट्टर मुख्य भूमिका साकारत आहे, आणि 'स्टुडंट आॅफ द ईयर २' मध्ये मुख्य भूमिका टायगर श्रॉफ साकारत आहे. ज्या काही बातम्या व्हायरल होत आहेत, त्या सर्व चुकीच्या आहेत.’ टायगर श्रॉफचा ‘फ्लाइंग जट्ट’ आणि ‘मुन्ना मायकेल’ बॉक्स आॅफिसवर पूर्णत: अयशस्वी ठरला होता. मात्र आता असे वाटत आहे की, त्याचा येणारा काळ खूप चांगला असेल. कारण ‘बागी-२’ या जबरदस्त अ‍ॅक्शन चित्रपटातची शूटिंग खूप जोरात सुरु आहे. शिवाय ‘रॅँबो’च्या आॅफिशल रीमेकमध्येही तो दिसणार आहे. तसेच तो ऋतिक रोशन सोबत एक अ‍ॅक्शन चित्रपटदेखील करत आहे. एवढेच नव्हे तर टायगर ‘स्टुडंट आॅफ द ईयर-२’ मध्येही लीड रोल करत आहे.   बऱ्याच काळापासून फक्त असा अंदाज लावला जात होता की, या चित्रपटात टायगर श्रॉफ दिसेल, पण निश्चित नव्हते. मात्र आता एकदमच या चित्रपटाचे पोस्टर रीलिज करण्यात आले, त्यात टायगर दिसत आहे. या चित्रपटाला करण जौहर प्रोड्यूस करत असून डायरेक्टर पुनीत मल्होत्रा आहेत.   }}}}Also Read : Student Of The Year 2 मध्ये शाहीदचा भाऊ इशान??