OMG! ​रणबीर कपूरने ऐनवेळी सुचवले संजय दत्तच्या बायोपिकमध्ये बदल! जाणून घ्या का?

रणबीर कपूर लवकरच संजय दत्तच्या भूमिकेत दिसणार आहे, हे तुम्ही जाणताचं. राजकुमार हिरानी अभिनेता संजय दत्त याच्या आयुष्यावर बेतलेला सिनेमा घेऊन येत आहेत आणि रणबीर कपूर यात मुख्य भूमिकेत आहे.   प्रदर्शनाच्या वाटेवर असलेल्या या बायोपिकबद्दल एक खमंग बातमी आहे. होय, रणबीर कपूरने म्हणे, ऐनवेळी या चित्रपटात काही बदल करण्याची मागणी केली.  या बायोपिकचे शूटींग जवळपास पूर्ण झाले आहे. याचदरम्यान टीमने या चित्रपटातील काही धावती दृश्ये काही वितरक व प्रदर्शकांना दाखवण्याचा निर्णय घेतला आणि त्यानुसार, ही दृश्ये वितरक व प्रदर्शकांना दाखवण्यात आलीत. यानंतर एक आतील बातमी बाहेर आली आहे. ही धावती दृश्ये पाहिल्यानंतर प्रदर्शक व वितरक रणबीरची तारीफ करताना थकत नाहीयेत. एका प्रदर्शकाने दिलेल्या माहितीनुसार, ‘या बायोपिकमध्ये रणबीरने अफलातून काम केले आहे. त्यांनी आम्हाला केवळ काही धावती दृश्ये व एक गाणे दाखवले. पण संजयच्या भूमिकेत रणबीरने अविश्वसनीय काम केले आहे.’ALSO READ : नाकात नथ, कानात डुल अन् माथ्यावर बिंदी!! रणबीर कपूरला झाले तरी काय?रणबीरच्या कामाला मिळालेली ही पावतीच म्हणायला हवी. पण खरे सांगायचे तर यासाठी रणबीरने बरीच मेहनत घेतली आहे.  सूत्रांनी दिलेल्या माहितीनुसार, प्रत्येक सीन परफेक्ट व्हावा, अशी रणबीरची इच्छा होती. त्याचमुळे ऐनवेळी रणबीरने काही सीन्सचे शूटींग पुन्हा करायला लावले. हा एक मोठा चित्रपट आहे, हे रणबीर जाणून आहे आणि कदाचित म्हणून त्याला सगळे काही अगदी परफेक्ट हवे आहे. केले त्यापेक्षाही परफेक्ट त्याला करायचे आहे. रणबीरने ऐनवेळी सुचवलेले बदल, हा याच परफेक्शनपर्यंत जाण्याचा प्रयत्न होता.या बायोपिकमध्ये  रणबीर कपूर  तीन वेगवेगळ्या अवतारात दिसणार आहे. एक म्हणजे, संजय दत्तचा बॉलिवूड डेब्यू, मग त्याला लागलेले ड्रग्सचे व्यसन आणि नंतर तुरुंगातील शिक्षा. चित्रपटात संजयचे वडील सुनील दत्त यांच्या भूमिकेत परेश रावल तर आई नर्गिसच्या भूमिकेत अभिनेत्री मनीषा कोईराला दिसणार आहे. याशिवाय सोनम कपूर, अनुष्का शर्मा यांच्याही चित्रपटात महत्त्वपूर्ण भूमिका आहेत.