OMG : ‘या’ गायकावर महिलेने केला छेडछाडीचा आरोप; गुन्हा दाखल!

गायक यश वडाली याच्यावर एका महिलेने छेडछाड केल्याचा गंभीर आरोप केला आहे. बांगूरनगर पोलीस ठाण्यात एका महिलेने (४०) याप्रकरणी गुन्हा दाखल करताना म्हटले की, यशने तिच्याशी छेडछाड केली आहे. यावेळी महिलेने आरोप केला की, यशने एका पार्टीत तिला मारहाण करताना शिवीगाळ केली आहे. महिलेच्या तक्रारीनंतर पोलिसांनी यश विरोधात गुन्हा दाखल केला असून, याप्रकरणी पोलीस कसून तपास करीत आहेत. उपलब्ध माहितीनुसार गेल्या मंगळवारी यश त्याच्या मित्राच्या वाढदिवसाच्या पार्टीत सहभागी झाला होता. पार्टी अंधेरीतील एका क्लबमध्ये आयोजित केली होती. पार्टीत बºयाच प्रसिद्ध व्यक्तींनी हजेरी लावली होती. याचदरम्यान संबंधित महिलेबरोबर हा संपूर्ण प्रकार घडला. वास्तविक पार्टीत यशकडून एक गाणं ऐकण्याची इच्छा व्यक्त केली होती. तेव्हा यशने, ‘मी तुला ओळखत नाही अन् मी कोणालाही फ्रीमध्ये गाणं ऐकवित नाही’ असे म्हणत तिला नकार दिला. यशचे हे वाक्य संबंधित महिलेला खूपच झोंबले. तिने रागाच्या भरात यशला चांगलीच खरी-खोटी सुनावली. दोघांमध्ये असा काही राडा झाला की, एकमेकांना धक्काबुक्की करण्यापर्यंत त्यांची मजल गेली. पार्टीत उपस्थित असलेल्या मित्रांनी मध्यस्थी करीत दोघांना शांत करण्याचा प्रयत्न केला.  मात्र महिलेने हे प्रकरण पोलीस ठाण्यापर्यंत पोहोचविले. यावेळी महिलेने आरोप केला की, यश माझ्याशी उद्धट वागला; शिवाय शरीराच्या अन्य अवयवांना स्पर्श केला. जेव्हा मी यशचा विरोध केला तेव्हा नशेत असलेल्या यशने मला धमकी दिल्याचे महिलेने म्हटले आहे. तर पार्टीत उपस्थित असलेल्या अन्य लोकांच्या मते, जेव्हा दोघांमधील वाद निवळला तेव्हा त्या महिलेने मित्रांबरोबर घरी जात असल्याचे सांगत पार्टीतून काढता पाय घेतला. त्यामुळे आम्ही सुटकेचा नि:श्वास टाकला. कारण दोघांमधील वाद पोलीस ठाण्यापर्यंत जाईल असा कोणीच विचार केला नव्हता. ४० वर्षीय महिला अभिनेत्री असून, तिने बºयाचशा चित्रपटांमध्ये काम केल्याची माहिती समोर येत आहे. दरम्यान, पोलिसांनी यश वडाली याच्याविरोधात कलम ३५४ आणि ५०४ अंतर्गत गुन्हा दाखल केला आहे. याप्रकरणी पोलीस तपास करीत आहेत.