​पुन्हा एकदा ‘लाइफ इन ए मेट्रो’?

होय, अनुराग बसू ‘लाइफ इन ए मेट्रो’ या चित्रपटाचा सीक्वल घेऊन येणार असल्याची खबर आहे. २००७ मध्ये आलेल्या या चित्रपटाद्वारे मेट्रो सिटीजमध्ये राहणाºया युवांचे आयुष्य पडद्यावर दाखवले गेले होते. इरफान खान, शिल्पा शेट्टी, धर्मेन्द, कोंकणा सेन शर्मा, नफीसा अली, शाइनी आहुजा, शरमन जोशी, कंगना राणौत अशी भली मोठी स्टारकास्ट या चित्रपटात दिसली होती. प्रेक्षकांनीही या चित्रपटास पसंती दिली होती. आता या चित्रपटाचा सीक्वल येणार असल्याची खबर आहे. अर्थात सूत्रांनी दिलेल्या माहितीनुसार, सीक्वलची स्टोरी एकदम वेगळी असणार आहे.  मुंबईतील चार प्रेमकथा यात दाखवण्यात येणार आहे. सीक्वलची स्टारकास्ट अद्याप फायनल झालेली नाही. मात्र  इरफान  हा सीक्वलमध्येही दिसणार आहे. इरफानने सीक्वलसाठी मौखिक परवानगी दिल्याचेही कळते. आता प्रत्यक्षात ‘लाइफ इन ए मेट्रो’  कधी गती घेते, ते बघूच!!