‘जुली-२’चे टीजर रिलीज होताच बॉलिवूडची न्यू सेन्सेशन बनली राय लक्ष्मी !!

दीपिका शिवदासानी यांच्या आगामी ‘जुली-२’चा टीजर रिलीज करण्यात आला असून, त्यामध्ये मुख्य भूमिकेत साउथ अभिनेत्री राय लक्ष्मी अतिश बोल्ड अंदाजात बघावयास मिळत आहे. टीजरमध्ये दिसत असलेला तिचा बोल्ड अंदाज घायाळ करणारा असल्याने चाहते आता चित्रपटातील तिच्या अदा बघण्यासाठी आतुर झाले नसतील तरच नवल. दरम्यान, राय लक्ष्मीचा हा चित्रपट २००४ मध्ये आलेल्या ‘जुली’चा सीक्वल आहे. या चित्रपटात नेहा धूपिया हिने मुख्य भूमिका साकारली होती. नेहानेदेखील त्यावेळी अक्षरश: आग लावली होती. आता राय लक्ष्मीनेही नेहाच्या तोडीस सीन्स दिले असल्याने, हा चित्रपट पडद्यावर धूम उडवून देईल यात शंका नाही. दरम्यान, टीजरमधील राय लक्ष्मीचा अंदाज बघून प्रत्येकजण तिच्याविषयी जाणून घेण्यास उत्सुक आहे. कोण आहे राय लक्ष्मी ? याचाच आढावा घेणारा हा वृत्तांत...- राय लक्ष्मीचा जन्म ५ मे १९८९ मध्ये कर्नाटक (बेंगळुरू) येथे झाला. राय लक्ष्मी एक मॉडेल असण्याबरोबरच अभिनेत्रीदेखील आहे. चित्रपटसृष्टीत येण्याअगोदर तिने अनेक जाहिरातींमध्ये काम केले आहे. - राय लक्ष्मीने वयाच्या पंधराव्या वर्षी अभिनयास सुरुवात केली. २००५ मध्ये आलेल्या ‘कारका कसादरा’ या तेलगू चित्रपटातून तिने डेब्यू केला. त्यानंतर तिने बºयाचशा तामिळ चित्रपटांमध्ये काम केले. - पुढे २००७ मध्ये तिने मल्याळम चित्रपटांमध्येही काम केले. तिच्या अभिनयाला प्रेक्षकांची चांगलीच दाद मिळाली. त्यामुळे तिला एकापाठोपाठ एक चित्रपटांच्या आॅफर्स मिळत गेल्या. - बॉलिवूडमध्ये राय लक्ष्मीचा ‘जुली-२’ हा डेब्यू चित्रपट नाही. कारण याअगोदर ती सोनाक्षी सिन्हाच्या ‘अकीरा’ या चित्रपटात कॅमिओ करताना बघावयास मिळाली. राय लक्ष्मीने चित्रपटात माया नावाची सपोर्टिंग भूमिका साकारली. - तब्बल १४ तामिळ चित्रपट केल्यानंतर राय लक्ष्मीला ‘धामधूम’ या तामिळ चित्रपटासाठी सर्वोत्कृष्ट सहायक अभिनेत्रीचा फिल्मफेअर अवॉर्ड मिळाला. - राय लक्ष्मी एक मॉडेल आणि अभिनेत्री असण्याबरोबरच एक चांगली डान्सरही आहे. ती साउथ इंडस्ट्रीमध्ये तिच्या डान्समुळे चांगलीच प्रसिद्ध आहे. - ‘जुली-२’ या चित्रपटाविषयी बोलताना राय लक्ष्मीने म्हटले होते की, ‘मी या चित्रपटात तब्बल ९८ वेगवेगळ्या आउटफिट्समध्ये बघावयास मिळणार आहे. या चित्रपटासाठी मी तब्बल १० ते ११ किलो वजन कमी केले होते अन् पुन्हा वाढविलेही होते.