​केवळ या अभिनेत्रीमुळे सोनम कपूरचे लग्न ढकलण्यात आले होते पुढे

सोनम कपूर, करिना कपूर, स्वरा भास्कर आणि शिखा तलसानिया यांची मुख्य भूमिका असलेला वीरे दी वेडिंग हा चित्रपट नुकताच प्रदर्शित झाला आहे. या चित्रपटाच्या प्रमोशनदरम्यान सोनमला एका मुलाखतीत बॉलिवूड इंडस्ट्रीमधील तिच्या खास मैत्रिणींची नाव विचारण्यात आली होती. यावर करिनाने जॅकलिन फर्नांडिस, करिना कपूर आणि स्वरा भास्कर या अभिनेत्रींची नावे सांगितली होती. सोनमच्या लग्नाच्या दरम्यान देखील ही बाब सगळ्यांना प्रकर्षाना जाणवली होती... कारण सोनमच्या प्रत्येक सेरेमनीत तिच्या या मैत्रिणी आवर्जून हजर होत्या. मोठ्या उत्साहाने त्यांनी सोनमच्या लग्नात सहभाग घेतला. एवढेच नाही तर करिना आपल्या १८ महिन्यांच्या तैमूरला घेऊन सोनमच्या लग्नात आली होती. सोनम आणि आनंद आहुजा यांचे लग्न ८ मेला धुमधडाक्यात झाले. त्यांच्या लग्नाला आणि रिसेप्शनला बॉलिवूड इंडस्ट्रीतील अनेक जण उपस्थित होते. पण तुम्हाला माहीत आहे का, सोनमचे लग्न मे मध्ये नव्हे तर मार्चमध्ये होणार होते. पण केवळ तिच्या एका मैत्रिणीमुळे तिच्या लग्नाची तारीख ऐनवेळी बदलण्यात आली. तिची ही मैत्रीण दुसरी कोणीही नसून वीरे दी वेडिंग या चित्रपटातील तिची सहकलाकार स्वरा भास्कर आहे. स्वराच्या भावाचे लग्न देखील मार्चमध्ये ठरवण्यात आले होते. सोनमने स्वराला लग्नाची तारीख सांगितल्यावर स्वराच्या लक्षात आले की, सोनम आणि तिचा भाऊ यांचे लग्न एकाच दिवशी आहे. त्यामुळे तिला सोनमच्या लग्नात हजेरी लावणे स्वराला शक्य नव्हते. या गोष्टीमुळे स्वरा खूपच नाराज झाली होती. आपली मैत्रीण खूप नाराज आहे हे सोनमला पाहावत नव्हते, त्यामुळे लग्नाची तारीख बदलण्याची गळ तिने तिचे वडील अभिनेते अनिल कपूर यांना घातली. अनिल कपूर यांनी देखील आपल्या मुलीच्या आनंदासाठी लग्नाची तारीख पुढे ढकलण्याचे ठरवले. सोनम आणि स्वरा यांची मैत्री रांजणा या चित्रपटापासून आहे. त्या दोघांनी या चित्रपटात सगळ्यात पहिल्यांदा एकत्र काम केले होते. त्यानंतर त्या प्रेम रतन धन पायो या चित्रपटात एकत्र झळकल्या होत्या. आता त्या वीरे दी वेडिंग या चित्रपटात काम करत आहेत. Also Read : ​करिना कपूर नव्हे तर या अभिनेत्रीची सैफ अली खानने निवड केली होती सेक्सिएस्ट वुमन म्हणून...