​जॉन अब्राहमसोबत जमणार ‘या’ सुपरमॉडेलची जोडी!

सुपरमॉडेल आयशा शर्मा आपल्या बॉलिवूड डेब्यूसाठी तयार आहे आणि आपल्या पहिल्याच चित्रपटात आयशाला बॉलिवूडचा अ‍ॅक्शन स्टार जॉन अब्राहम याच्यासोबत काम करण्याची संधी मिळाली आहे. होय, मिलाप जावेरी दिग्दर्शित एका थ्रीलर चित्रपटातून आयशा बॉलिवूडमध्ये एन्ट्री करणार आहे. तूर्तास  या चित्रपटाचे नाव  ठरलेले नाही.आयशा ही ‘तुम बिन2’फेम अभिनेत्री नेहा शर्मा हिची बहिण आहे. नेहाने अनेक चित्रपटात आपल्या अभिनयाची छाप सोडली. आता तिच्या पावलावर पाऊल ठेवत आयशाही बॉलिवूडमध्ये येण्यास सज्ज झाली आहे. तिच्या डेब्यू सिनेमात एक पोलिस अधिकारी आणि एका गुन्हेगाराची कथा असल्याचे कळतेय. मनोज वाजपेयी हा सुद्धा यात एका महत्त्वपूर्ण भूमिकेत  आहे.बिहारचे नेते अजित शर्मा यांची मुलगी आयशा सध्या मॉडेलिंग करतेय. यापूर्वी ती वरूण धवनसोबत ‘जुडवा2’मध्ये दिसणार, अशी चर्चा होती. पण त्यावेळी त्यावेळी काहीतरी कारणावरून नेहाची ही संधी हुकली. अर्जुन कपूरच्या ‘नमस्ते इंग्लंड’या चित्रपटासाठीही आयशाचे नाव चर्चेत होते. आयशाने साऊथच्या अनेक चित्रपटांत काम केले आहे. पण जॉनसोबतचा तिचा हा पहिला चित्रपट असेल. आपल्या या पहिल्या वहिल्या चित्रपटासाठी आयशा कमालीची उत्सूक आहे. डेब्यूसाठी यापेक्षा मोठ्या चित्रपटाची अपेक्षाही नव्हती. जॉन अब्राहम आणि मनोज वाजपेयी यांच्यासोबत स्क्रीन शेअर करणे माझ्यासाठी आनंदाची गोष्ट आहे.  हा चित्रपट माझ्यासाठी खूप मोठे आव्हान आहे. चित्रपटातील माझ्या भूमिकेला मी पूर्ण न्याय देऊ शकेल, अशी आशा करते, असे आयशा म्हणाली.ALSO READ : SEE PIC : ब्लॅक ट्रान्सपरंट टॉपमध्ये दिसली नेहा शर्मा!मिलाप जावेरी यांनीही आयशाची मनापासून प्रशंसा केली. माझ्या चित्रपटासाठी आयशा एकदम परफेक्ट आहे. तिचा चेहरा सुंदरचं नाही तर त्या चेह-यावर एकप्रकारचा निष्पापपणा आहे. लुक टेस्टदरम्यान तिने मला कमालीचे प्रभावित केले. अभिनय आणि आत्मविश्वास अशा दोन्ही गोष्टींचे परफेक्ट कॉम्बिनेशन असेच मी तिच्याबद्दल म्हणेल, असे मिलाप म्हणाले.