गाढ झोपेत असलेल्या अबरामला घेऊन पप्पा शाहरूख खानने ठोकली धूम!

बॉलिवूडचा किंग शाहरूख खान सध्या त्याच्या आगामी ‘जब हॅरी मेट सेजल’ या चित्रपटाच्या प्रमोशनमध्ये व्यस्त आहे. याकरिताच तो अबुधाबी येथे गेला होता. जेव्हा तो तेथून परतला तेव्हा विमानतळावर मुलगा अबरामसोबत स्पॉट झाला. यावेळी त्याच्यासोबत अभिनेत्री अनुष्का शर्मासुद्धा होती. पप्पा शाहरूखच्या कडेवर असलेला अबराम गाढ झोपेत होता. विमानतळाबाहेर येत असताना शाहरूखवर काही छायाचित्रकारांचे लक्ष गेले. शाहरूख अन् अबराम दोघेही एकत्र असल्याने त्यांची एक छबी टिपण्याचा मोह छायाचित्रकारांना आवरणे कठीण झाले. ते शाहरूखच्या मागे धावत गेले. परंतु जेव्हा ही बाब शाहरूखला कळाली तेव्हा मात्र त्याने अबरामला घेऊन अशी काही धूम ठोकली की, छायाचित्रकार त्याच्याकडे बघत राहिले. वास्तविक शाहरूख आणि अबरामला एकत्र क्लिक करण्याची छायाचित्रकारांकडे नामी संधी होती. या संधीचा फायदा घेण्यासाठी त्यांनी शाहरूखसह अबरामचे काही फोटो काढण्याचा प्रयत्न केला. परंतु शाहरूखला आपल्या लाडक्याची झोप मोडायची नव्हती. त्याने छायाचित्रकारांना बघताच अबरामला लपवित आपल्या कारच्या दिशेने धूम ठोकली. खरं तर अबराम पहिल्यांदाच शाहरूखच्या कडेवर बघावयास मिळाला, असे नाही. यापूर्वीदेखील अबराम शाहरूखसोबत बघावयास मिळाला आहे. त्याचबरोबर शाहरूखने त्याला बºयाचदा मीडियापासून लपविले आहे. दरम्यान शाहरूख, अनुष्का व्यतिरिक्त जया बच्चन, गौहर खान हेदेखील यावेळी विमानतळावर स्पॉट झाले. सध्या शाहरूख त्याच्या आगामी प्रोजेक्टमध्ये प्रचंड बिझी आहे. परंतु अशातही तो आपल्या फॅमिलीला पुरेसा वेळ देत आहे. नुकताच तो परिवारासोबत सुट्या एन्जॉय करण्यासाठी विदेशात गेला होता. परंतु त्याला या सुट्यांचा फारसा आनंद घेता आला नाही. कारण त्याच्या ‘जब हॅरी मेट सेजल’ या चित्रपटाचे पाचवे गाणे रिलीज करायचे होते. त्यामुळे तो परिवाराला सोडून मुंबईत परतला होता. आतापर्यंत ‘जब हॅरी मेट सेजल’ या चित्रपटाचे अनेक मिनी ट्रेलर आणि गाणी रिलीज करण्यात आली आहे. सर्व गाण्यांना प्रेक्षकांनी उदंड प्रतिसाद दिला आहे.