Pathaan Movie : शाहरुख खानच्या पठाणची उत्सुकता आता प्रचंड ताणली आहे. शाहरुखचे चाहते पठाणची आतुरतेने वाट पाहत आहेत. एकीकडे सिनेमा वादाच्या भोवऱ्यात अडकला असताना दुसरीकडे सिनेमाने रिलीजआधीच मोठी कामगिरी केली आहे. पठाणच्या टीझर आणि गाण्यांना मोठा प्रतिसाद मिळताना दिसतोय. मात्र अजून सिनेमाचा ट्रेलर प्रदर्शित झालेला नाही.
१०० कोटींना विकले गेले पठाणचे ओटीटी राईट्स
'पठाण' चित्रपट प्रदर्शित होण्याआधीच त्याचे भाव वाढले आहेत. अद्याप ट्रेलरही आलेला नाही मात्र सिनेमा कोटींचा कमाई करतोय. पठाणचे ओटीटीचे राईट्स तब्बल १०० कोटींना विकले गेले आहेत. ॲमेझॉन प्राईम (Amazon Prime) या ओटीटी प्लॅटफॉर्मने यामध्ये बाजी मारली आहे. ॲमेझॉनने यासाठी १०० कोटी रुपये मोजले आहेत. शनिवारी ही डील फायनल करण्यात आली आहे.
Happy Birthday Salman Khan : भाईजानचा वाढदिवस; पठाण सोबतच्या 'स्पेशल बॉंंड' ने वेधले लक्ष
सध्या बॉलिवुडमध्ये बॉयकॉटचे वारे वाहत आहेत. पठाणवरही जोरदार टीका होत आहे. अशातच अद्याप ट्रेलर रिलीज न झाल्याने चाहत्यांना प्रश्न पडला आहे. २५ जानेवारी रोजी पठाण रिलीज होत असून यामध्ये दीपिका पदुकोण, जॉन अब्राहम यांची मुख्य भुमिका आहे. तर पठाणनंतर शाहरुख खान जवान, डंकी या सिनेमांमध्येही दिसणार आहे. ओटीटीवर पठाण कधी प्रदर्शित होणार हे अद्याप फायनल झालेले नाही. मार्च महिन्याच्या शेवटी किंवा एप्रिलच्या सुरुवातीला पठाण ओटीटीवर रिलीज होतील अशी शक्यता आहे.