@ChopraLover@1lovePC that lying bastard spent time in jail...his old mother and father fell at Pc's feet begging forgiveness. ...
पीसीने तोडली चुप्पी
By ऑनलाइन लोकमत | Published: April 03, 2016 11:59 PM
आपली पीसी अर्थात प्रियंका चोपडा हिने बॉलिवूडमधील संघर्षाच्या काळात तीनदा आत्महत्येचे प्रयत्न केले होते, असा दावा प्रियंकाचा माजी मॅनेजर ...
पीसीने तोडली चुप्पी
आपली पीसी अर्थात प्रियंका चोपडा हिने बॉलिवूडमधील संघर्षाच्या काळात तीनदा आत्महत्येचे प्रयत्न केले होते, असा दावा प्रियंकाचा माजी मॅनेजर प्रकाश जाजू याने केला होता. या बातमीवर पीसीने आत्तापर्यंत चुप्पी साधली होती. मात्र आता पीसीने यावर खुलासा करीत, प्रकाश जाजूची कुठलीही विश्वासार्हता नसल्याचे म्हटले आहे. ज्या व्यक्तिची कुठलीही विश्वासार्हता नाही, अशा व्यक्तिवर मीडियाने जराही विश्वास ठेवू नये, असेही प्रियंकाने स्पष्ट केले आहे. जी व्यक्ति माझ्या तक्रारीवरून तुरुंगात गेली आहे,अशा व्यक्तिवर मीडिया विश्वासच कसा ठेऊ शकते, हेच मला कोडे वाटते. ज्या व्यक्तिची कुठलीही विश्वासार्हता नाही, तिने काहीही दावे केले तरी मला फरक पडत नाही, असे पीसी म्हणाली....................................................प्रियंकाची आई म्हणाली,‘वो झूठा है’बॉलिवूड अभिनेत्री प्रियंका चोपडा हिने एकदा नव्हे तीनदा आत्महत्येचे प्रयत्न केले होते, हा प्रकाश जाजू याचा दावा प्रियंकाची आई मधू चोपडा यांनी खोटा ठरवला आहे. प्रकाश जाजू हा प्रियंकाचा कधीकाळचा मॅनेजर आहे. प्रियंका आपल्या संघर्षाच्या काळात अतिशय हळवी होती. तिने तीनदा आत्महत्येचे प्रयत्न केले होते, असा दावा त्याने काल टिष्ट्वटरवरून केला होता. प्रियंका सध्या आपल्या हॉलिवूड प्रोजेक्टमध्ये पुरती बिझी आहे. त्यामुळे तिने जाजूच्या या दाव्यांवर कुठलाही खुलासा वा स्पष्टीकरण दिलेले नाही. मात्र प्रियंकाची आई मधू यांनी मात्र टिष्ट्वटरवर जाजूचे सगळे दावे खोडून काढले आहेत. ‘तो खोटारडा आहे. तुरुंगात जावून आलेला आहे. त्याची म्हातारी आई आणि बाबाने प्रियंकाच्या पाया पडून माफी मागितली...’असे टिष्ट्वट मधू यांनी केले आहे.