अमेरिकेहून परतला प्रभास; बॉलिवूड डेब्यूविषयी केला खुलासा!

‘बाहुबली’साठी तब्बल पाच वर्ष दिल्यानंतर प्रभासने काही दिवस सुट्या एन्जॉय करण्यासाठी अमेरिका गाठली होती. याठिकाणी कोणालाही थांगपत्ता न लागू देता त्याने अतिशय सिक्रेट पद्धतीने सुट्या एन्जॉय केल्या. आता तो भारतात परतला असून, लवकरच त्याच्या आगामी ‘साहो’ या चित्रपटाच्या शूटिंगला सुरुवात करणार आहे. मात्र ‘बाहुबली’सारख्या चित्रपटात मुख्य भूमिका साकारणाºया प्रभासला अन्य प्रोजेक्टमध्ये काम करणे थोडे अवघडच होणार आहे. बॉम्बे टाइम्सला दिलेल्या एका मुलाखतीत प्रभासने म्हटले की, ‘बाहुबली’साठी त्याने त्याच्या आयुष्यातील पाच वर्ष दिले. त्यामुळे हा चित्रपट माझ्या आयुष्याचा भाग नसून, माझे आयुष्यच आहे. तसेच लोकांकडून मिळालेल्या प्रेमाने मी इमोशनल झालो असल्याचे त्याने म्हटले. त्याचबरोबर त्याने त्याच्या बॉलिवूड डेब्यूवरही एकदम मोकळेपणाने सांगितले. जेव्हा प्रभासला, तू करण जोहर आणि एस. एस. राजामौली यांच्याबरोबर बॉलिवूड डेब्यू करणार आहेस काय? असा प्रश्न विचारण्यात आला तेव्हा त्याने म्हटले की, सध्या माझा असा कुठलाच प्लॅन नाही, मात्र काही इंटरेस्टिंग असल्यास त्याविषयी मी नक्कीच विचार करणार आहे. यावेळी प्रभासने त्याच्या आगामी ‘साहो’ या चित्रपटाच्या शूटिंगमध्ये व्यस्त होणार असल्याचे सांगितले. मात्र त्याने ‘साहो’मधील त्याच्या भूमिकेविषयी फारसे काही सांगितले नाही. केवळ हा चित्रपट एक अ‍ॅक्शन धमाका असेल असे तो बोलला. त्याचबरोबर प्रभास या चित्रपटाविषयी खूपच एक्साइटेड असल्याचेही दिसून आले. त्याने म्हटले की, मी या चित्रपटात बेस्ट टीमसोबत काम करीत आहे. प्रभासच्या या ‘साहो’ या चित्रपटाचा टीजर ‘बाहुबली : द कन्क्लूजन’ या चित्रपटाबरोबरच रिलीज करण्यात आले होते. टीजर बघून या चित्रपटात जबरदस्त अ‍ॅक्शन असल्याचे दिसून येते. हा चित्रपट हिंदी, तामीळ आणि तेलगू भाषेत रिलीज केला जाणार आहे. निर्मात्यांनी या चित्रपटातील अ‍ॅक्शनवर प्रचंड खर्च केल्याचे बोलले जात आहे. चित्रपटातील स्टंट सिन्स केनी बेट्सने केले आहेत. त्यामुळे या चित्रपटाकडे सगळ्यांच्याच नजरा असून, प्रभास काय करिष्मा दाखविणार याविषयी त्याच्या चाहत्यांना प्रचंड उत्सुकता लागली आहे. या चित्रपटाचे दिग्दर्शन २६ वर्षीय सुजीत करत आहे.