प्रभास अ‍ॅक्शनमध्ये ‘बाहुबली’ला देणार मात; यांनी केला दावा !

‘बाहुबली’ सीरिजमध्ये तुफान अ‍ॅक्शन करताना बघावयास मिळालेला सुपरस्टार प्रभास लवकरच त्याच्या आगामी ‘साहो’ या चित्रपटात पुन्हा एकदा असाच काहीसा कारनामा करताना दिसणार आहे. वृत्तानुसार, बाहुबली प्रभास या चित्रपटात बाहुबली सीरिजपेक्षाही तुफान अ‍ॅक्शन करताना दिसणार आहे. ट्रेड एनालिस्ट रमेश बाळा यांनी आपल्या ट्विटर अकाउंटवर याबाबतची माहिती देताना म्हटले की, अभिनेत्री श्रद्धा कपूरने हैदराबाद येथे ‘साहो’च्या दुसºया शेड्यूलच्या शूटिंगला सुरुवात केली आहे. गल्फ येथे चित्रपटाची शूटिंग केली जाणार असून, त्यामध्ये प्रभास अतिशय खतरनाक अ‍ॅक्शन करताना बघावयास मिळणार आहे. तर श्रद्धा कपूरशी संबंधित सूत्रांनी सांगितले की, ‘हसीना पारकर’मध्ये दाउद इब्राहिमच्या बहिणीची भूमिका साकारणारी अभिनेत्री श्रद्धा साहोमध्ये तुफान अ‍ॅक्शन करताना दिसणार आहे. यासाठी तिने स्पेशल ट्रेनिंग घेतली असून, आतापर्यंत शूटिंगमध्ये अ‍ॅक्शन सीन करताना ती यशस्वी झाली आहे. सध्या श्रद्धा हैदराबाद येथे शूटिंग करीत असतानाच हैदराबाजी मेजवानीचा आनंदही घेताना दिसत आहे.  

}}}} ">. @ShraddhaKapoor started shooting for the 2nd schedule of #Saaho in Hyd.. The next schedule will be in Gulf where #Prabhas is expected to perform some high octane stunt sequences.. pic.twitter.com/q1dBAeH27d— Ramesh Bala (@rameshlaus) December 28, 2017

अर्थात श्रद्धाला ही मेजवानी प्रभासनेच दिली आहे. दरम्यान, ‘साहो’ला वामसी आणि प्रमोद हे प्रोड्यूस करीत असून, सुजित यांचे दिग्दर्शन आहे. चित्रपटातील बहुतांश भाग विदेशात शूट करण्यात येणार असून, संगीत शंकर-एहसान-लॉय यांचे आहे, तर अमिताभ भट्टाचार्य यांनी गाण्यांची रचना केली आहे. ‘साहो’चा टीजर ‘बाहुबली : द कनक्लुजन’सोबतच रिलीज करण्यात आला होता. प्रेक्षकांना टीजर प्रचंड आवडला होता. आता प्रेक्षक या चित्रपटाच्या प्रतीक्षेत आहेत.