प्रियांका चोप्रा आणि निक जोनास यांनी गत १ व २ डिसेंबरला जोधपूरच्या उमेद भवन येथे लग्नगाठ बांधली. तेव्हापासून हे कपल कायम चर्चेत आहे. लग्न आणि रिसेप्शननंतर हे कपल ओमानमध्ये हनीमूनसाठी गेले. यानंतर प्रियांका व निकने फॅमिलीसोबत काही वेळ घालवला. तूर्तास हे कपल कॅरेबियन आयलँडमध्ये आहे. काही तासांपूर्वी या कपलने इन्स्टाग्रामवर एक स्टोरी व काही फोटो शेअर केलेत. या व्हिडिओ आणि फोटोत निकयांका एकमेकांसोबत वेळ घालवताना आणि मौज मज्जा करताना दिसत आहेत.
लग्नानंतर प्रियांका पुन्हा एकदा अभिनयाकडे वळणार आहे आणि भन्साळींसारख्या ‘लार्जर दॅन लाईफ’ दिग्दर्शकाच्या चित्रपटात काम करणार आहे. साहजिकच, आत्तापर्यंत अशी भूमिका साकारली नसल्यामुळे ‘लेडी डॉन’च्या भूमिकेत प्रियांकाला पाहणे इंटरेस्टिंग असणार आहे या यापूर्वी ‘सात खून माफ’ या चित्रपटात प्रियांकाने नकारात्मक भूमिका साकारली होती.