प्रियांका चोप्रा परतली कामावर! ‘क्वांटिको3’च्या सेटवर दिसला हॉट अवतार!!

प�

��रियांका चोप्रा आणि क्वांटिको हे आता एक समीकरण झालेय, असे म्हटल्यास अतिशयोक्ती ठरणार नाही. ‘क्वांटिको’ या लोकप्रीय अमेरिकन सीरिजच्या दोन्ही सीझनमध्ये प्रियांका एलेक्स पारिशची भूमिका साकारताना दिसली होती. ‘क्वांटिको’तील प्रियांकाची भूमिका जगभरातील लोकांनी अक्षरश: डोक्यावर घेतली होती.  याच भूमिकेने प्रियांकाला हॉलिवूडमध्ये नवी ओळख दिली. कोट्यवधी लोकांची मने तिने जिंकलीत. यानंतर एकापाठोपाठ एक हॉलिवूड सिनेमेही तिला मिळालेत. आता तर बॉलिवूड अभिनेत्रीऐवजी इंटरनॅशनल स्टार म्हणून प्रियांकाला ओळखले जावू लागले आहे. त्यामुळे प्रियांका सध्या भारतात कमी अन् अमेरिकेतचं अधिक असते. काही दिवसांपूर्वी नाताळ आणि नववर्ष साजरे करण्यासाठी प्रियांका मायदेशी आली होती. पण काही दिवस भारतात राहिल्यांतर प्रियांका पुन्हा एकदा हॉलिवूडमध्ये परतली आहे आणि ‘क्वांटिको’च्या तिस-या सीझनमध्ये बिझी झाली आहे. होय, भारतातून परतताच प्रियांकाने ‘क्वांटिको3’च्या शूटींगला सुरूवात केली. या सेटवरचे प्रियांकाचे काही फोटो समोर आले आहेत. ट्रेंच कोटमधील या फोटोत प्रियांका कमालीची सुंदर दिसतेय. यावेळी प्रियांकाने आपल्या काही चाहत्यांसोबतही पोझ दिली.



ALSO READ : प्रियांका चोप्रा म्हणते, तिला पाठलाग करणारे लोक आवडतात

‘क्वांटिको3’मध्ये प्रियांका थोड्या फार वेगळ्या लूकमध्ये दिसणार आहे. अलीकडे या लूकसाठी प्रियांकाने आपले लांबसडक केस कापले होते. 
  प्रियांकाचा  ‘बेवॉच’ हा हॉलिवूड सिनेमा प्रदर्शित झाला. अलीकडे प्रियांकाने आणखी तीन हॉलिवूड सिनेमे हातावेगळे केले.  हे हॉलिवूड चित्रपट प्रदर्शनाच्या वाटेवर आहेत.तूर्तास प्रियांकाकडे एकही बॉलिवूड प्रोजेक्ट नाही. पण पीसीचे भारतीय चाहते तिला पाहण्यास आतूर आहे. मध्यंतरी प्रियांका पी.टी. उषा हिच्या बायोपिकमध्ये झळणार अशी बातमी होती. अर्थात प्रियांकाने या वृत्ताला दुजोरा दिला नव्हता. प्रियांका शेवटची ‘बाजीराव मस्तानी’मध्ये दिसली होती. तेव्हापासून ती हॉलिवूडमध्ये व्यस्त आहे.