प्रियांका चोप्राच्या फॅन्ससाठी एक खूशखूबर आहे. सप्टेंबरमध्ये होणाऱ्या टॉरेंटो अंतरराष्ट्रीय फिल्म फेस्टिव्हलमध्ये प्रियांका चोप्राला सन्मानित करण्यात येणार आहे. 6 सप्टेंबरमध्ये हा सोहळा रंगणार आहे. हॉलिवूड रिपोर्टर डॉट कॉमच्या माहितीनुसार बेल लाइटबॉक्समध्ये होणाऱ्या 42 व्या महोत्सवात प्रियांका दिग्दर्शक कॅमरुन बेलीसोबत चर्चेत सहभागी होणार आहे. ती बॉलिवूड आयकॉन म्हणून आपल्या करिअरवर ती या ठिकाणी बोलणार आहे.
2009 पासून प्रियांका आजपर्यंत बॉलिवूडच्या टॉप 10 अभिनेत्रींच्या यादीत सामील आहे. 'क्वांटिको' मालिकेतून तिने हॉलिवूडमध्ये पदार्पण केले. त्यानंतर ती बेवॉच या हॉलिवूडपटात झळकली. गेल्या वर्षी झालेल्या टीआईएफएफ स्पर्धेत प्रियांका शॉर्ट फिल्मच्या ज्युरी मेंबरमध्ये होती. प्रियांकाच्या या सक्रिय सहभागासाठी तिला टॉरेंटो आंतरराष्ट्रीय फिल्म फेस्टिव्हलमध्ये सन्मानित करण्यात येणार आहे. याशिवाय प्रियांकाला 'टीन च्वाइस पुरस्कार 2017' मध्ये खलनायिकेच्या श्रेणीत नामांकित करण्यात आले आहे. प्रियांकाला मिळलेले हे नामांकन तिच्यासाठी खूप महत्त्वाचे असल्याचे तिचे म्हणणे आहे. बेवॉच चित्रपटातील भूमिकेसाठी नामांकन मिळाल्यावर प्रियांकाने ट्विटरवरुन आपला आनंद व्यक्त केला. ''मला देण्यात आलेल्या नामांकनाबद्दल धन्यवाद. मला ज्यांनी ज्यांनी व्होट केले त्यांचे सगळ्यांचे मी आभार मानते.'' Birthday Special :आईच्या एका निर्णयाने बदलले प्रियांका चोप्राचे आयुष्य!
न्यूयॉर्कमध्ये नुकताच पार पडलेल्या 18व्या पुरस्कार सोहळ्याकडे मात्र प्रियांकाने पाठ फिरवली होती. आयफा दरम्यान प्रियांका न्यूयॉर्कवरुन भारतात परतली होती. आपल्या वाढदिवसाचे कारण देत प्रियांकाने मुंबई गाठली होती. बेवॉचनंतर तिने 'अ किड लाइक जेक’ या दुसऱ्या हॉलिवूडपटाची शूटिंग पूर्ण केली. सध्या तिचा आगामी चित्रपट ‘इसिंट इट रोमॅण्टिक’च्या शूटिंगमध्ये व्यस्त आहे.