प्रियंका चोपडा विमानतळावर येताच परिधान करते बॉयफ्रेंडचे जॅकेट; कोण असेल बरं प्रियंकाचा बॉयफ्रेंड?

बॉलिवूडची देसी गर्ल अर्थात प्रियंका चोपडा अशी अभिनेत्री आहे, जिच्या बॉयफ्रेंड आणि एक्स बॉयफ्रेंडविषयी जाणून घेण्यास प्रत्येकजण उत्सुक आहे. नुकतीच ती यूएसच्या ‘डर्टी लाउंड्री’ या चॅट शोमध्ये पोहोचली होती. त्याठिकाणी तिने तिच्या एका एअरपोर्ट जॅकेटविषयीचा खुलासा केला. पिसीने म्हटले की, हे जॅकेट माझ्या एक्स बॉयफ्रेंडचे आहे. जेव्हा तो एकदा माझ्या घरी आला होता तेव्हा तो हे जॅकेट माझ्या घरीच विसरला होता. त्याने मला हे जॅकेट परत देण्यास सांगितले होते, परंतु मी ते देण्यास स्पष्ट शब्दात नकार दिला. मात्र यावेळी पिसीने त्या एक्स बॉयफ्रेंडच्या नावाचा खुलासा केला नाही. जेव्हा प्रियंकाचे नाव विवाहित शाहरुख खानशी जोडले गेले होते, तेव्हा सोशल मीडियावर अक्षरश: खळबळ उडाली होती. ही अफवा तेव्हा सुरू झाली होती जेव्हा दोघांना एकसारखेच जॅकेट घालून बघण्यात आले होते. तेव्हापासून असे म्हटले जाते किंग खानच प्रियंकाचा एक्स बॉयफ्रेंड आहे. नुकतेच फेमिनाला दिलेल्या मुलाखतीत प्रियंकाने तिच्या एक्स बॉयफ्रेंडविषयी खुलासा केला होता. प्रियंकाने कोणाचेही नाव न घेता म्हटले होते की, मी त्याला एमएफ नावाने बोलाविते. दरम्यान, फेमिनासाठी केलेल्या या फोटोशूटमधील काही फोटोज् प्रियंकाने तिच्या चाहत्यांसाठी इन्स्टाग्रामवर शेअर केले आहेत. प्रियंकाचे या फोटोंना तिच्या चाहत्यांकडून तुफान प्रतिसाद मिळत आहे. प्रियंका गेल्या काही वर्षांपासून अमेरिकेतील न्यूयॉर्क शहरात राहात आहे. सध्या ती अमेरिकन टीव्ही सिरीज ‘क्वांटिको’मध्ये काम करीत असून, हा तिचा तिसरा सीजन आहे. या अगोदर पीसीने ‘क्वांटिको’च्या सीजन-१ आणि सीजन-२ मध्ये एजंट एलेक्सची भूमिका साकारली होती. तिच्या या भूमिकेला प्रेक्षकांकडून प्रचंड पसंती मिळाली. त्याचबरोबर ती इतरही काही हॉलिवूडपटांवर काम करीत आहे.