​प्रियांका चोप्राकडे आणखी दोन हॉलिवूडपटाची आॅफर!

‘बेवॉच’ या आपल्या पहिल्या हॉलिवूडपटाच्या प्रिमिअरला वेगवेगळ्या देशांत जाऊन हजेरी लावल्यानंतर प्रियांका चोप्राचा हा चित्रपट आज भारतात रिलीज झाला. खरे तर प्रियांकाच्या या पहिल्या-वहिल्या हॉलिवूड सिनेमाबद्दल भारतीय सिनेप्रेमी कमालीचे उत्सूक होते. पण या सिनेमाला जगभरात संमिश्र प्रतिसाद मिळत आहे. अर्थात म्हणून प्रियांकाच्या हॉलिवूडमधील संधींवर त्याचा परिणाम झाला, असे मात्र मुळीच नाही. ‘बेवॉच’ रिलीज होण्याआधीच प्रियांकाजवळ आणखी दोन हॉलिवूडपटाच्या आॅफर तयार असल्याचे कळतेय. ‘अ किड लाइक जॅक’ आणि ‘इझंट इट रोमॅण्टिक’ या दोन सिनेमांमध्ये प्रियांका दिसणार असल्याची चर्चा सध्या आहे. चर्चा खरी मानाल तर प्रियांका जूनमध्ये ‘अ किड लाइक जॅक’ या सिनेमाचे शूटिंग सुरु करणारआहे. यानंतर ‘क्वांटिको’चे सीझन 3 ती पूर्ण करणार आहे. याचसोबतीलाच ‘इझंट इट रोमॅण्टिक’ या सिनेमाच्या चित्रीकरणाला ती सुरूवात करणार आहे. ‘क्वांटिको’ या अमेरिकन मालिकेने खरे तर प्रियांकाला मोठी ओळख निर्माण मिळवून दिली. या मालिकेचे दोन्ही सीझन कमालीचे लोकप्रीय झालेत. या मालिकेने आंतरराष्ट्रीय स्तरावर मोठी लोकप्रियता मिळवली. हॉलिवूडमध्ये प्रियांकाच्या नावाचा दबदबा निर्माण होण्यासाठी या मालिकेचा फार मोठा हात आहे.  याच जोरावर ‘बेवॉच’ तिला मिळाला आणि याच पाठोपाठ आणखी दोन हॉलिवूडपट तिच्याकडे चालून आल्याची खबर आहे.ALSO READ : प्रियांका चोप्राच्या शॉर्ट ड्रेसवरून उठले वादळ; ट्रोल करणा-यांना दिले Legs for days....चे उत्तर!तूर्तास म्हणाल तर  देसी गर्ल प्रियंका चोपडा सध्या चांगलीच अडचणीत सापडताना बघावयास मिळत आहे. दोन दिवसांपूर्वीच बर्लिन येथे पंतप्रधान नरेंद्र मोदी यांची भेट घेताना तिने परिधान केलेल्या ड्रेसवरून सोशल मीडियावर तिला ट्रोल करण्यात आले होते. ताजी बातमी म्हणाल तर ती, पुन्हा एकदा  नेटिझन्सच्या रडारवर सापडली असून, सोशल मीडियाच्या माध्यमातून तिच्यावर चौफेर टीका केली जात आहे. यावेळेस ती कपड्यांमुळे नव्हे तर होलोकॉस्ट मेमोरियलदरम्यान तिने घेतलेल्या एका सेल्फीवरून ती वादात सापडली आहे.   प्रियंका आणि तिचा भाऊ सिद्धार्थ होलोकॉस्ट मेमोरियल बघायला गेले होते. याठिकाणी या दोघांनी एक सेल्फी काढून सोशल मीडियावर पोस्ट केला होता. हा सेल्फी पोस्ट होताच, नेटिझन्सनी प्रियंकावर चौफेर टीका करण्यास सुरुवात केली.  होलोकॉस्ट मेमोरियल ६० लाख यहूहींच्या स्मरणार्थ बनविलेले मेमोरियल आहे. ज्यांची हिटलरच्या राज्यकाळात हत्या करून याठिकाणी दफन करण्यात आले होते. स्थानिक लोक जेव्हा याठिकाणी येतात तेव्हा खूपच भावुक होत असतात. मात्र प्रियंकाने याठिकाणी सेल्फी घेऊन लोकांचा राग ओढवून घेतला.