लॉकडाउनमुळे सर्व कलाकार घरात कैद आहेत आणि सोशल मीडियावर जुने फोटो शेअर करताना दिसत आहे. कित्येक कलाकार घरात कसा वेळ व्यतित करत आहेत, त्याची अपडेट सातत्याने देत आहेत. यादरम्यान प्रियंका चोप्राने इंस्टाग्रामवर तिचे दोन जुने फोटो शेअर केले आहेत. यात तिने जुना फोटो शेअर करत अपेक्षा म्हटलंय तर दुसरा फोटो टाकून सत्य म्हटलं आहे.प्रियंकाने शेअर केलेले दोन्ही फोटो तिचेच आहेत तिने अपेक्षा विरूद्ध रिएलिटी दाखवण्याचा प्रयत्न केला आहे. एका फोटोत तिने डस्टी रोज कलरचा मोनोकनी घातलेला दिसत आहे आणि त्यावर कॅट आयचे सनग्लासेस कॅरी केले आहेत. या फोटोत ती खूप बोल्ड व ग्लॅमरस दिसते आहे. तर दुसऱ्या फोटोत ती उन्हात झोपलेली दिसते आहे आणि तिने तिचा चेहरा झाकलेला दिसत आहे. तिने या दोन्ही फोटोंची तुलना केली आहे.
सध्या लॉकडाउनमध्ये ती निकसोबत क्वॉलिटी टाइम व्यतित करत आहे.