बॉलिवूडची पिग्गी चॉप्स म्हणजेच अभिनेत्री प्रियंका चोप्राच्या घरी नव्या सदस्याचे आगमन झाले आहे. त्यामुळे निक जोनस व प्रियंका चोप्रा हे दोघेही खूप खूश आहेत. आता हा नवा मेंबर कोण असेल हे जाणून घेण्यासाठी तुम्ही उत्सुक असाल ना. हा मेंबर म्हणजे त्यांचा नवीन कुत्रा. त्याचं नाव आहे जिनो द जर्मन.
प्रियंका चोप्राने तिच्या इंस्टाग्राम अकाउंटवर या कुत्र्याचा फोटो शेअर करत त्याचं स्वागत केलं आहे. या फोटोत कुत्र्यासोबत निक जोनसदेखील दिसतो आहे. तर निकनेही इंस्टाग्रामवर एक व्हिडिओ शेअर केला आहे आणि सांगितलं की, प्रियंकाने त्याला सकाळी सकाळी सरप्राईज दिलं. हे सरप्राईज प्रियंकाने या कुत्र्यासोबत दिलं आहे.
यावेळी त्याचा नवीन कुत्रा पण सोबत होता. त्यानंतर निक त्याच्यासोबत खेळू लागला. या कुत्र्याचं घरी आगमन झाल्यानंतर लगेच या कुत्र्याचं इंस्टाग्रामवर अकाउंटदेखील सुरू केलं. इतकंच नाही तर एका दिवसात त्याचे दीड लाखांहून जास्त फॉलोवर्सदेखील झाले.