ग्लोबल स्टार प्रियांका चोप्रा( Priyanka Chopra)ने आपल्या अभिनय कौशल्याच्या जोरावर देशातच नाही तर परदेशातही आपले स्थान निर्माण केले आहे. बऱ्याचदा ती वेगवेगळ्या मुद्द्यांवर आपले मत ठामपणे मांडताना दिसते. ती कधी वर्णभेदावर तर कधी सामाजिक प्रश्नांवरही आपले मत मांडताना दिसते. यावेळी तिने बॉलिवूडमध्ये तिला आलेल्या वाईट अनुभवाबद्दल खुलासा केला आहे. तिने नुकतेच दिलेल्या एका मुलाखतीत तिच्या करिअरला धोक्यात आणण्याचा प्रयत्न करणाऱ्या लोकांबद्दल सांगितले.प्रियांका चोप्राने सांगितले की, 'काहींनी आयुष्यात चांगले काम करत असताना तिला प्रोजेक्ट्स मिळणार नाहीत, याकडे जास्त लक्ष दिले.'. प्रियांकाने या प्रकरणात कोणाचेही नाव घेतले नाही.
प्रियांका चोप्रा नुकतीच केसांची निगा राखण्यासाठी ब्रँड लॉन्च करण्यासाठी भारतात आली होती. त्याच्या ब्रँडच्या प्रमोशनदरम्यान, तिने तिच्या आतापर्यंतच्या आयुष्याबद्दल आणि करिअरबद्दल मोकळेपणाने सांगितले. एका मुलाखतीत प्रियांकाने कबूल केले की काही लोक तिचे नुकसान करण्यामागे लागले आहेत. एक पॉडकास्टमध्ये प्रियांकाने रणवीर अहलुवालियाला सांगितले की, माझ्या आजूबाजूला असे लोक आहेत ज्यांना माझे करिअर धोक्यात घालायचे होते. माझ्या कामापासून दूर राहायचे आहे. मी चांगले काम करत होते म्हणून मला कास्ट केले जात नव्हते. पण तेच मला थांबवत नाही. मी बसून राहत नाही, कदाचित मी एक रात्री रडेन, पण मी गप्प बसणार नाही. तुम्हाला इकडच्या तिकडचे ऐकणे थांबवावे लागेल. त्या व्यक्तीकडे लक्ष द्या जो तुमच्यावर विश्वास ठेवतो.