प्रियांका चोप्रा आणि निक जोनास यांची लग्नघटिका जवळ आलीय, लगीनघाई सुरु झालीय. जोधपूरच्या उमेद भवन येथे प्रियांका व निक लग्नगाठ बांधणार आहेत. त्यापूर्वी प्रियांकाच्या वर्सोवा येथे राज क्लासिक या जुन्या घरी आज गणेश पूजेचे आयोजन करण्यात येत आहे. निक आणि प्रियांका दोघेही या पूजेसाठी राज क्लासिक येथे पोहोचले आहेत. यावेळी प्रियांकाने लाईट ब्ल्यू कलरच्या सलवार-कुर्ता कॅरी केला होता तर निकने लाईट पिंक कलरचा कुर्ता घातला होता.
ग्लोबल स्टार प्रियांका चोप्रा येत्या २ डिसेंबरला जोधपूरच्या उमेद भवन येथे लग्नबंधनात अडकणार आहे. या लग्नाला केवळ जवळचे नातेवाईक आणि मित्र तेवढेचं उपस्थित राहणार आहेत. सुमारे ८० लोकांच्या उपस्थितीत हा शाही विवाह सोहळा संपन्न होणार आहे.
लग्नात सामील होणाºया पाहुण्यांना प्रियांका व निक एक खास भेट देणार आहेत. होय, या पाहुण्यांना स्पेशल पर्सनलाईज्ड चांदीचे नाणे भेट म्हणून दिले जाणार आहे.
या नाण्याच्या एका बाजूला ‘एनपी’ म्हणजे निक व प्रियांका या नावाचे इंग्रजी आद्याक्षर लिहिलेले असेल. तर दुसºया बाजूला गणेश आणि लक्ष्मीची प्रतिमा कोरलेली असेल.अद्याप प्रियांका व निकने लग्नाची अधिकृत तारीख जाहिर केलेली नाही. मात्र उद्या २९ नोव्हेंबरपासून या लग्नाचे विधी सुरू होणार आहेत. यासाठी जोधपूरचे उमेद भवन पाच दिवसांसाठी बुक करण्यात आले आहे