विद्या बालनला पनवती मानायचे निर्माते, चित्रपट देण्याआधी मागायचे तिची जन्म पत्रिका

बॉलिवू़डची बोल्ड आणि बिंदास ऊ ला ला गर्ल विद्या बालन आज आपल्या अभिनयाच्या जोरावर यशाच्या शिखरावर पोहोचली आहे. आज बॉलिवूडच्या टॉप 10 च्या अभिनेत्रिंच्या लिस्टमध्ये विद्याच्या नावाचा समावेश आहे. विद्याने आपल्या करिअरमध्ये अनेक सुपरहिट चित्रपट दिले आहेत. विद्याचा चित्रपट थिएटरमध्ये जाऊन पाहणारा एक खास प्रेक्षकवर्ग आहे.  मात्र विद्याच्या आयुष्यात एककाळ असा ही होता ज्यावेळी निर्माते तिला आपल्या चित्रपटात काम देण्यास नकार द्यायचे ते विद्याचा पायगुण खराब असल्याचे मानायचे. विद्या अनेक बंगाली चित्रपटात काम केले आहे मात्र अद्याप ते चित्रपट रिलीज झाले नाही आहे. ज्यानंतर लोकांनी  विद्यासोबत जो काम करेल त्याचे नुकसान होईल असे म्हणणे सुरु केले. एका इंटरव्ह्युच्या दरम्यान विद्याने सांगितले होते काम मिळवण्यासाठी तिला फार स्ट्रगल करावे लागले. सुरुवातीच्या काळात तिने एक चित्रपटांसाठी ऑडिशन दिले होते मात्र सगळीकडून तिला नकार मिळाला. त्यानंतर ही विद्याने हार मानली नाही तिने आपले प्रयत्न सातत्याने सुरुच ठेवले.  ALSO READ : Teaser ​poster out : मेरी सुलू! पलट सुलू!! का चेहरा लपवतेयं विद्या बालन?विद्या सांगते जेव्हा परिणिता चित्रपटासाठी अनेक वेळा तिला स्क्रिन टेस्ट द्यावी लागली होती. हद्द तर तेव्हा झाली ज्यावेळी चित्रपटाच्या निर्मात्यांने विद्याकडे ती जन्म पत्रिका मागितली. यानंतर विद्याला एक क्षणाला खरच आपला पायगुण खराब असल्याचे वाटायला लागले होते.  मात्र वेळ बदलली आणि विद्याचे नशीबपण. संधी मिळताच त्याच तिनं सोनं केले आणि अभिनयाच्या जोरावर तिने प्रेक्षकांची मनं जिंकली.  परिणिता, कहानी, कहानी 2 आणि द डर्टी पिक्चरसारख्या चित्रपटांनी विद्याचे आयुष्यच बदलून टाकले. तसेच विद्याला एक नवी ओळख मिळवून दिली. काही महिन्यांपूर्वी रिलीज झालेला 'बेगम जान' चित्रपट बॉक्स ऑफिसवर फारसा कमला दाखवू शकला नव्हता. मात्र विद्याच्या अभिनयाचे कौतुक करण्यात आले होते. सध्या विद्या आपला आगामी चित्रपट  ‘तुम्हारी सुलूमध्ये व्यस्त आहे. नुकतेच ‘तुम्हारी सुलूचे दुसरे पोस्टर रिलीज करण्यात आले आहे. या चित्रपटाची कथा सुलू या स्त्रीच्या भवती फिरणारी आहे. सुलू ही व्यक्तिरेखा विद्या बालन साकारणार आहे.