'पुष्पा: द राइज' (Puspa The Rise) या चित्रपटाच्या यशानंतर अल्लू अर्जुन (Allu Arjun) चर्चेत आहे. चाहतेही चित्रपटाच्या दुसऱ्या भागाची म्हणजेच 'पुष्पा: द रुल'ची (Pushpa 2) आतुरतेने वाट पाहत आहेत. मीडिया रिपोर्ट्सनुसार अल्लू अर्जुनने चित्रपटाचे शूटिंग सुरू केले आहे. दुसरीकडे, गेल्या काही दिवसांपासून 'पुष्पा २'साठी अनेक कलाकारांची नावे समोर येत आहेत. मात्र, आता या चित्रपटाचा भाग होण्यासाठी निर्मात्यांनी सलमान खान(Salman Khan)चा ब्लॉकबस्टर चित्रपट 'टायगर जिंदा है'चा खलनायक सज्जाद डेलाफ्रूज(Sajjad Delafrooz)शी चर्चा केल्याचे सांगण्यात येत आहे.
रिपोर्ट्सनुसार, सज्जाद डेलाफ्रूज 'पुष्पा २' मध्ये मुख्य भूमिकेत दिसणार आहे. टायगर जिंदा है या चित्रपटात सज्जादने अबू उस्मानची भूमिका साकारली होती. त्यानंतर तो केके मेनन आणि सैयामी खेर यांच्यासोबत 'स्पेशल ऑप्स'मध्ये दिसला होता. नीरज पांडे निर्मित चित्रपटात सज्जादने हाफिज अलीची भूमिका साकारली होती. त्याने 'अंडर द शॅडो' या पर्शियन हॉरर थ्रिलरमध्येही छोटी भूमिका साकारली होती.