Race 3 : आता डेजी शाहचा अ‍ॅक्शन लूक आला समोर, सलमान खानने शेअर केले पोस्टर!

‘रेस-३’ या बहुप्रतिक्षित चित्रपटातील आता अभिनेत्री डेजी शाहचा फर्स्ट लूक समोर आला असून, त्यामध्ये ती जबरदस्त अंदाजात बघावयास मिळत आहे. सलमान खानने गेल्या आठवड्यातच त्याच्या चाहत्यांना वचन दिले होते की, तो या आठवड्यात एक-एक करून ‘रेस-३’ परिवारातील सर्व सदस्यांची ओळख करून देणार आहे. सुरुवातीला सलमानने स्वत:चा सिंकदर लूक प्रेक्षकांसमोर आणला. त्यानंतर जॅकलीन फर्नांडिसचा जेसिका आणि बॉबी देओलचा यश लूक रिलीज केला. आता सलमानने डेजी शाहच्या संजना या पात्राची प्रेक्षकांना ओळख करून दिली. डेजी संजनाच्या पात्रात खूपच हॉट दिसत आहे. तिच्या या पोस्टरनी एकप्रकारचा इशाराच दिला की, ती खूपच खतरनाक अंदाजात बघावयास मिळणार आहे. दरम्यान, सलमानने डेजीचे पोस्टर शेअर करताना लिहिले की, सिजलिंग संजना धमाका करण्यास तयार आहे...! डेजीने सलमानच्या ट्विटला रिट्विट करताना लिहिले की, ‘खतरनाक होण्याची वेळ आली आहे. तुम्हाला वाटते काय की तुम्ही मला सांभाळू शकाल?’ त्याचबरोबर को-स्टार बॉबी देओलनेही डेजीच्या फर्स्ट लूकचे पोस्टर शेअर करताना लिहिले की, ‘ताकद आणि सौंदर्याचे परफेक्ट कॉम्बिनेशन!’ 

}}}} ">Sizzling Sanjana waiting to explode . #Race3#Race3ThisEid@ShahDaisy25@SKFilmsOfficial@TipsOfficialpic.twitter.com/s4JGULx56J— Salman Khan (@BeingSalmanKhan) March 22, 2018

अभिनेत्री जॅकलीन फर्नांडिस आणि डेजी शाहने आपल्या स्कॅवश सेशनचे बरेचसे फोटो चाहत्यांसाठी शेअर केले. दोघीही चित्रपटासाठी प्रचंड मेहनत घेताना दिसून येत आहेत. सध्या चित्रपटाची संपूर्ण कास्ट अबूधाबी येथे शूटिंगमध्ये व्यस्त आहे. हा चित्रपट ईदच्या मुहूर्तावर प्रदर्शित केला जाणार आहे. ‘रेस-३’मध्ये सलमान खान, जॅकलीन फर्नांडिस, अनिल कपूर, डेजी शाह, बॉबी देओल आणि साकिब सलीम यांसारख्या जबरदस्त स्टारकास्ट आहे. चित्रपटाचे दिग्दर्शन रेमो डिसूजाने केले आहे. चित्रपटाबद्दल चाहत्यांमध्ये प्रचंड उत्सुकता आहे.