‘नाताळ’ला ही ‘रेस ३’ची टीम करणार काम!

बहुचर्चित आणि बहुप्रतिक्षित ‘रेस ३’ची सध्या जोरात शूटिंग सुरू आहे. यंदा या चित्रपटाच्या टीमला नाताळ एन्जॉय करता येणार नाही, असे कळतेय. संपूर्ण टीमने आपले नाताळचे प्लॅन्स रद्द करून चित्रपटाला प्रथम प्राधान्य द्यायचे ठरवले आहे. ‘रेस ३’च्या टीमला मुंबईच्या शेड्यूलमधील चित्रपटाच्या काही खास सीन्सचे शूटिंग पूर्ण करायचे आहे. त्यामुळे शूटिंग पूर्ण करण्याच्या उद्देशाने चित्रपटाची संपूर्ण टीम नाताळलाही काम करत आहे. २०१८च्या बहूप्रतिक्षित चित्रपटांपैकी एक म्हणून आपण ‘रेस ३’ कडे पाहतो. या चित्रपटातून तुमचा आमचा लाडका सलमान खान दमदार अ‍ॅक्शन करताना पहावयास मिळणार आहे. चित्रपटात सलमान खान, जॅकलिन फर्नांडिस, अनिल कपूर यांच्यासोबतच बॉबी देओल, साकिब सलीम आणि डेजी शाह हे देखील दिसतील. ‘रेस ३’ चे दिग्दर्शक रेमो डिसूझा हे असून सलमान खान, टिप्स निर्मित हा चित्रपट २०१८ ईदला रिलीज होणार आहे.भाईजान सलमानचा स्वभाव तर तुम्हाला चांगलाच ठाऊक आहे. सलमान कुठल्याही चित्रपटात काम करो, तो आपल्या अटींवर काम करतो. भाईजानच्या मर्जीशिवाय काहीच होत नाही. मग ती चित्रपटाची स्क्रिप्ट असो वा चित्रपटाची कास्ट. साहजिकच ‘रेस3’मध्ये सुद्धा सलमान हेच करू पाहतोय. सलमानने म्हणे, ‘रेस3’च्या मेकर्सपुढे काही अटी ठेवल्या आहेत. या अटी मान्य केल्याशिवाय मेकर्सपुढे कुठलाही पर्याय उरलेला नाही. सलमानच्या अशा वागण्यामुळे मेकर्स त्रासले आहेत, हे सांगणे नकोच.आता सलमान म्हणतोय तरी काय? तर सलमानने अनेक अटी ठेवल्या आहेत. ‘रेस3’मध्ये कुठलाही इंटिमेट सीन नसेल, ही सलमानची पहिली अट आहे. याशिवाय चित्रपटात कुठलाही ड्रग्ज डिलिंगसारखा सीन नको, असे फर्मानही त्याने सोडले आहे. परिणामी चित्रपटाच्या स्क्रिप्टमध्ये ऐनवेळी बदल करावे लागणार आहेत. पण सलमानला याची चिंता नाही. स्क्रिप्टमध्ये लवकरात लवकर बदल करावेत, असे सांगून सलमान मोकळा झाला आहे. लहान मुलांनाही आपला चित्रपट बघता यावा, हा यामागचा सलमानचा उद्देश आहे. कारण सलमानच्या चाहत्यांमध्ये लहान मुलांची संख्याही मोठी आहे. याशिवाय सलमानची आणखी एक अट आहे. ‘रेस3’मध्ये सलमानशिवाय बॉबी देओल, डेजी शाह, आदित्य पांचोली, पूजा हेगडे, फ्रेडी दारूवाला यांच्या मुख्य भूमिका आहेत. ‘रेस’ आणि ‘रेस2’मध्ये अनिल कपूरही दिसला होता. पण ‘रेस3’मध्ये अनिल कपूर नसल्याचे कळते. पण सलमानला अनिल कपूरही चित्रपटात हवा आहे. त्यामुळे चित्रपटात अनिल कपूरसाठी जागा बनवा, असे त्याने बजावले आहे.