राजपाल यादव आज आपला वाढदिवस साजरा करतो आहे. राजपाल यादवने आपल्या भूमिकांच्या माध्यमातून चाहत्यांचे खूप मनोरंजन केलं आहे. एकवेळ अशी होती जेव्हा या अभिनेत्याच्या नावानेच सिनेमा हिट व्हायचे. त्याने आपल्या करिअरची सुरुवात छोट्या-छोट्या भूमिकांमधून केली होती. राजपाल यादव खरी ओळख मिळाली ती राम गोपाल वर्माच्या जंगल (2000) या चित्रपटाद्वारे. राजपालच्या वाढदिवशी आज आम्ही तुम्हाला त्याची लव्हस्टोरी सांगणार आहोत.
10 जून 2003 रोजी राजपालने दुसरे लग्न केलं. राधा ही राजपालची दुसरी पत्नी आहे. 'हिरो' सिनेमाच्या शूटिंगसाठी राजपाल कॅनडाला गेला होता. त्यावेळी एका कॉमन फ्रेंडच्या माध्यमातून राजपाल आणि राधाची भेट झाली. पहिल्याच भेटीत दोघांचं ट्युनिंग चांगलं जमलं. दोघांच्या उंचीत दोन इंचाचा फरक आहे. असं असूनही त्यांच्यात घट्ट बॉन्डिंग तयार झालं. तसेच 10 दिवस राजपाल कॅनडात होता मात्र या दिवसांत या दोघांमध्ये इतकी चांगली मैत्री झाली की, दोघांना ते दोघे 10 दिवसांपासून नाही तर गेल्या 10 वर्षापासून एकमेकांना ओळखत असल्यासारखे वाटू लागले.
राजपाल जेव्हा मुंबईत परतला तेव्हाही तो राधासह 10 महिने संपर्कात होता. दोघांची वाढती जवळीक पाहता राधानेही मुंबईत शिफ्ट होण्याचा निर्णय घेतला आणि सगळं सोडून ती मुंबईत केवळ राजपालच्या प्रेमामुळे स्थायिक झाली. त्यानंतर दोघांनी लग्न करत आपल्या आयुष्याची नवीन सुरूवात केली.