Rakhi Sawant : Video - नवरी नटली! राखी सावंत तिसऱ्यांदा लग्न करणार?; ब्राइडल लूक व्हायरल, आदिलबद्दल म्हणते...

Rakhi Sawant : राखी सावंतचा एक व्हिडीओ सोशल मीडियावर मोठ्या प्रमाणात व्हायरल होत आहे, ज्यामध्ये ड्रामा क्वीन नववधू दिसत आहे.

ड्रामा क्वीन राखी सावंत गेल्या काही महिन्यांपासून तिच्या वैयक्तिक आयुष्यामुळे चर्चेत आहे. तिच्या निकाह आणि कोर्ट मॅरेजचे फोटो व्हायरल झाल्यापासून राखीने आदिल दुर्रानीवर अनेक आरोप केले. हे प्रकरण आता इतके वाढले आहे की आदिल पोलिसांच्या ताब्यात आहे. ड्रामा क्वीनचा नवरा तुरुंगात आहे. याच दरम्यान, आता राखी सावंतचा एक व्हिडीओ सोशल मीडियावर मोठ्या प्रमाणात व्हायरल होत आहे, ज्यामध्ये ड्रामा क्वीन नववधू दिसत आहे. अभिनेत्रीच्या या व्हिडिओमुळे सोशल मीडियावर खळबळ उडाली आहे.

राखी सावंतचा (Rakhi Sawant) एक व्हिडीओ इन्स्टाग्रामवर मोठ्या प्रमाणात व्हायरल होत आहे. या व्हिडीओमध्ये ड्रामा क्वीनला नववधूच्या वेषात पाहून सोशल मीडिया यूजर्स हैराण झाले आहेत. राखी पुन्हा लग्न करणार का? असा प्रश्न सर्वांनाच पडला आहे. पे अकाऊंट विरल भयानीने शेअर केलेल्या या व्हिडिओमध्ये खुद्द राखी सर्व प्रश्नांची उत्तरे देताना आदिलबद्दलही बोलली आहे. रितेशनंतर पुन्हा एकदा राखी सावंतच्या लव्ह लाईफवर प्रश्नचिन्ह निर्माण झाले आहे. तिचा पती आदिल दुर्रानी तुरुंगवास भोगत आहे. 

View this post on Instagram

A post shared by Viral Bhayani (@viralbhayani)

राखी पुन्हा शूट मोडमध्ये आली आहे आणि नुकतेच तिने वधूच्या रूपात शूट केले आहे. यादरम्यान हा व्हिडिओ खूप चर्चेत आहे. राखीने आपण पुन्हा लग्न करणार नसल्याचे स्पष्ट केले आहे, ती केवळ शूटिंगसाठी वधू बनली आहे. व्हिडिओमध्ये राखी सावंत म्हणताना दिसत आहे, "मी एकदाच लग्न केले आहे, पुन्हा कधीच नाही. मला आयुष्यात पुन्हा लग्नाचा पोशाख घालायचा नाही." आदिलबद्दल बोलताना ती म्हणाली, "माझा एकच नवरा आहे, तो तुरुंगात आहे."

राखीचा आणखी एक व्हिडीओ व्हायरल होत आहे, ज्यामध्ये ती शूटिंग लोकेशनवर तिच्या व्हॅनिटी व्हॅनमध्ये प्रवेश करताना तिच्या पतीबद्दल बोलत आहे. आदिलबद्दल बोलताना ड्रामा क्वीन म्हणाली, "वधू आली आहे, वर तुरुंगात आहे. आज रडू नकोस, फक्त आनंदी राहा. मी आनंदी राहण्याचा प्रयत्न करत आहे." राखी सावंतने आदिलवर मारहाण आणि पैसे चोरल्याचा आरोप केला आहे. यासोबतच आदिलचे इतर मुलींसोबतही संबंध असल्याचा खुलासा अभिनेत्रीने केला आहे. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"