राखी सावंत (Rakhi Sawant ) कधी काय करेल याचा नेम नाही. आपल्या चित्रविचित्र कारनाम्यांमुळे राखी सतत चर्चेत असते. आता काय तर तिला भालाफेकीचं वेड लागलं. मग काय, बया चक्क रस्त्यावरच सराव करू लागली. अगदी भाला नाही मिळाला तर तिनं काठी उचलली अन् या नादात एकाचं डोकंही फोडलं.भारताचा भालाफेकपटू नीरज चोप्रानं ऑलिम्पिकमध्येमध्ये गोल्ड मेडल जिंकलं आणि राखीला स्फुरण चढलं. मग काय, रस्त्यावरच राखी तिच्या करामती दाखवू लागली. तिच्या या करामतीचा व्हिडीओ सध्या सोशल मीडियावर तुफान व्हायरल होतोय. त्यात ती भालाफेकीचा सराव करताना दिसते आहे. पण तिच्या हातात भाला नाही तर दांडा आहे. नीरजची कॉपी करत राखीने मुंबईच्या रस्त्यावर एक काठी घेऊन भालाफेकीची प्रॅक्टिस केली. पण तिचा नेम चुकला आहे आणि ती काठी थेट एका वाटसरूच्या डोक्यावर जाऊन बसली.
राखीने भालाफेक सरावाच्या नादात चक्क एकाचं डोकं फोडलं. त्या व्यक्तीला फार लागलं असं नाही, पण थोडक्यात निभावलं. ‘अरे हे काय सुरु आहे,’ असा एक आवाज व्हिडीओत येतो. यावर ‘अरे मी प्रयत्न तर केला ना,’ असं राखीचं उत्तर ऐकायला मिळतंय. निश्चितपणे हा एक मजेशीर व्हिडीओ आहे आणि नेहमीप्रमाणे तो व्हायरल होतोय.सध्या राखी पापाराझींची अगदी आवडती सेलिब्रिटी बनली आहे. राखी बाहेर पडली रे पडली की, फोटोग्राफर्स तिच्या भोवती जमतात आणि राखी सुद्धा त्यांना निराश करत नाही. ती चित्रविचित्र प्रकार करते आणि तिचे व्हिडीओ चर्चेत येतात. तिच्या कारनाम्यांवर अनेकदा फोटोग्राफर्सलाही हसू आवरत नाही. आजूबाजूच्या लोकांचेही फुकटात मनोरंजन होते.