कॉन्ट्रोव्हर्सी क्वीन, आयटम गर्ल राखी सावतंवर हा बायोपिक बनणार असल्याचे खुद्द जावेद अख्तर यांनीच सांगितल्यानंतर राखीची भूमिका सिनेमात कोण साकाराणार यावर बरीच चर्चा रंगत आहे. त्यामुळे आता राखीनेच तिची इच्छा सांगत आलिया भट्टचे नाव सांगितले आहे. राखी सावंतवर बनणा-या बायोपिकमध्ये आलिया भट्टनेच मुख्य भूमिका साकारावी अशी तिची इच्छा असल्याचे तिने सांगितले.
ख-या आयुष्यात आलिया देखील माझ्यासारखी बोल्ड आणि बिनधास्त आहे, तिला कोणाचीही भीती वाटत नाही,”, त्यामुळे माझे पात्र तिच चांगल्याप्रकारे साकारु शकते असा मला विश्वास आहे. आलिया भट्ट व्यतिरिक्त प्रियांका चोप्रा आणि राधिका आप्टे देखील तिची भूमिका उत्तम रित्या साकारू शकतात असे राखीने सांगितले. “प्रियांका चोप्रा आणि राधिका आप्टे देखील बोल्ड आहेत. त्या देखील त्यांचे नेहमीच परखड मतं मांडत असतात. मी माझ्या आयुष्यात अनेक चढ-उतार पाहिले आहेत. मोठा संघर्ष करत आज मी इथवर पोहचली आहे. कितीही कठीण वेळ आली तरी मी हार मानली नाही. नेहमीच माझा आत्मसन्मान मी जपला.
जावेद अख्तरच राखीच्या जीवनावर बायोपिक लिहीणार म्हटल्यावर को सिनेमा खासच असणार. याविषयी दिलेल्या मुलाखतीत जावेद अख्तर यांनीच या प्रोजेक्टविषयी अधिक माहिती दिली. खरंतर कोरोना लॉकडाऊनमुळे यावर थोडा ब्रेक लागला होता. मात्र आता लवकरच राखीचा जीवनप्रवास चाहत्यांसमोर रुपेरी पडद्यावर उलगडणार असल्याचे त्यांनी म्हटले आहे. खुद्द जावेद अख्तर लिहीणार राखीच्या आयुष्यावर कथा त्यामुळे राखीचाही आनंद द्विगुणित झाला आहे. खुद्द जावेद अख्तर यांनी तिच्या जीवनावर आधारित बायोपिक तयार करण्याची इच्छा बोलून दाखवली होती. त्यासाठी राखीला भेटण्यासाठी घरीही बोलावले होते. मात्र लॉकडाऊन लागले आणि राखीला जावेद अख्तर यांना भेटणे शक्य झाले नाही.
चार पाच वर्षापूर्वी विमानप्रवासात राखी सावंतची भेट जावेद अख्तर यांच्या झाली होती. त्या प्रवासादरम्यान राखीने तिचा संघर्ष जावेद अख्तर यांनाही सांगितला होता. त्याचवेळी जावेद अख्तर यांनी यावर बायोपिक बनवण्याचा विचार केला होता. त्याचवेळी त्यांनी राखीला यावर बायोपिक बनवणार असल्याचा शब्द दिला होता. अखेर राखीला दिलेला शब्द जावेद यांनीही पाळला आणि यावर लकरच काम सुरु होणार असल्याचे म्हटले आहे. त्यामुळे आयटम गर्ल राखी सावंतचं जीवनाचं वास्तव रुपेरी पडद्यावर अनुभवण्यासाठी रसिकांना आणखी काही काळ प्रतीक्षा करावी लागणार आहे.