Rakhi Sawant : "डॉक्टरांना जमलं नाही तर मी ठीक करेन, नाकाला औषध लावेन"; शाहरुखसाठी राखीचा पुढाकार

Rakhi Sawant And Shah Rukh Khan : राखी नव्या व्हिडिओमध्ये शाहरुख खानबद्दल बोलताना दिसत आहे. राखीचा आणखी एक व्हिडीओ सोशल मीडियावर व्हायरल होत आहे.

बॉलिवूडची ड्रामा क्वीन राखी सावंत नेहमीच कोणत्या ना कोणत्या कारणाने चर्चेत असते. प्रत्येक वेळी ती लोकांचं लक्ष वेधून घेण्यासाठी असं काही करते की तिच्या या कृत्याने सर्वांनाच आश्चर्य वाटतं. नुकतीच राखी सावंत दुबईहून परतली आहे. यानंतर एकामागून एक तिचे अनेक व्हिडीओ समोर येत आहेत. एका व्हिडिओमध्ये ती सलमान खानचं लग्न व्हावं यासाठी अनवाणी पाहायला मिळाली. आता नुकताच तिचा आणखी एक व्हिडीओ सोशल मीडियावर चर्चेचा विषय बनला आहे

राखी नव्या व्हिडिओमध्ये शाहरुख खानबद्दल बोलताना दिसत आहे. राखीचा आणखी एक व्हिडीओ सोशल मीडियावर व्हायरल होत आहे. ज्यामध्ये पापाराझी सांगत आहेत की, शाहरुख खानचा अपघात झाला आहे. ज्यामध्ये त्याच्या नाकाला दुखापत झाली आहे. यावर राखी म्हणाली, 'शाहरुख खानचं नाक तुटलं आहे का? राखीच्या या चर्चेवर पापाराझी तिला सांगतात की हा विनोद नाही. त्याच्या नाकावर जखम झाली असून, त्याच्यावर शस्त्रक्रिया करण्यात आली आहे. 

राखी यावर म्हणते की "अरे देवा… शाहरुख खान आय लव्ह यू. जर डॉक्टरांनी ठीक केलं नाही तर मी तिथे येईन. मी येऊन तुझ्या नाकावर औषध लावेन. तुझं नाक आणि सर्वकाही ठीक होईल." शाहरुख एका प्रोजेक्टच्या शूटिंगसाठी लॉस एंजेलिसमध्ये होता. तो चित्रपटाच्या सेटवर सीन करत होता. यादरम्यान अपघातात शाहरुखच्या नाकाला दुखापत झाली. रिपोर्ट्सनुसार, अभिनेत्यावर शस्त्रक्रिया झाली आहे. शाहरुखची प्रकृती आता ठीक असल्याचे सांगण्यात येत असून तो मुंबईला परतला आहे.

"सलमान खानचं लग्न होईपर्यंत चप्पल घालणार नाही"

राखी सावंतने सलमान खानच्या लग्नासाठी आता नवस केला आहे. राखी म्हणते- माझा नवस आहे. सलमान खानचंलग्न व्हावं यासाठी मी श्रीलंका, दुबई येथून चप्पलशिवाय आले आहे. लग्न होत नाही तोपर्यंत मी चप्पल घालणार नाही. राखीच्या व्हिडिओवर युजर्स खूप कमेंट करत आहेत. एका युजरने लिहिलं की, म्हणजे आता राखी मरेपर्यंत चप्पल घालणार नाही. तर एकाने लिहिलं - राखी वेडी झाली आहे. काहीही करत राहते. त्यासोबतच अनेक जण हसणारे इमोजी पोस्ट करत आहेत.