​राखी सावंत करणार होती गुरमित राम रहिमसोबत लग्न?

राखी सावंत करणार होती गुरमित राम रहिमसोबत लग्न हे वाचून तुम्हाला आश्चर्याचा नक्कीच धक्का बसला असेल. पण हे खरे आहे. राखी सावंत आणि गुरमित राम रहिम लग्न करतील अशी भीती हनप्रीतला वाटत होती. राखीला पाहाताच हनप्रीतला हे टेन्शन यायचे असे स्वतः राखी सावतंने नुकत्याच दिलेल्या एका मुलाखतीत म्हटले आहे. राखी सांगते, मी आणि गुरमित राम रहिम एकमेकांना तीन, साडे तीन वर्षांपासून ओळखत आहोत. मी अनेकवेळा हनप्रीतला देखील भेटले आहे. मी राम रहिमला भेटण्यासाठी त्यांच्या डेऱ्याला जात असे. एवढेच नव्हे तर मुंबईत आल्यानंतर ते मला आवर्जून भेटत असत. राम रहिमच्या डेऱ्यात असलेल्या गुप्त गुहेविषयी सध्या चांगलीच चर्चा आहे. या गुप्त गुहेत देखील राखी एकदा गेली होती. राखी सांगते, गुरमितने मला त्याच्या वाढदिवसासाठी बोलावले होते. पण मी आल्याचे हनप्रीतला आवडले नसल्याचे मला जाणवले होते. गुरमितसोबत मी असल्याने हरप्रीतच्या मनात असुरक्षिततेची भावना निर्माण झाली होती आणि हे तिच्या वागणुकीतूनच कळत होते. मी राम रहिमसोबत लग्न करेल असेच तिला वाटत होते. राम रहिमबाबत मीडियात वाचल्यानंतर राखीला कोणताही आश्चर्याचा धक्का बसला नव्हता. कारण त्याच्याभोवती नेहमीच मुलींचा गराडा असायचा आणि त्यातही त्या मुली आक्षेपार्ह कपडे घालायच्या असे राखी सावंतचे म्हणणे आहे. राम रहिमच्या जीवनावर लवकरच राखी सावंत एक चित्रपट बनवणार आहे. राखीचा भाऊ या चित्रपटाचे दिग्दर्शन करणार आहे तर या चित्रपटात राखी हनप्रीतच्या भूमिकेत दिसणार आहे. या चित्रपटाचे शूटिंग नुकतेच दिल्लीमध्ये सुरू झाले असून 'अब होगा इन्साफ' असे या चित्रपटाचे टायटलही निश्चित झाले आहे. हनप्रीतची भूमिका साकारणारी राखी सावंत या चित्रपटात आयटम नंबरदेखील करणार आहे. डेरा सच्चा सौदा प्रमुख राम रहीमला साध्वींवर केलेल्या बलात्कारप्रकरणी सीबीआयच्या विशेष न्यायालयाने २० वर्षांची शिक्षा सुनावली आहे. त्याने त्याच्या आयुष्यात केलेले अनेक कांड राखी 'अब होगा इन्साफ' या चित्रपटाच्या माध्यमातून प्रेक्षकांना दाखवणार आहे.  Also Read : ​​राखी सावंत म्हणतेय राम रहिमच्या खोलीत मी पाहिली होती ही धक्कादायक गोष्ट