साऊथमध्ये आपल्या जलवा दाखवल्यानंतर अभिनेत्री रकुलप्रीत सिंग आता बॉलिवूडमध्ये आपलं स्थान निर्माण करण्याचा प्रयत्न करतेय. 'दे दे प्यार दे' सिनेमात रकुल प्रीत सिंग अजय देवगणसोबत रोमान्स करताना दिसली होती. रकुल सिनेमांसोबत आपल्या पर्सनल लाईफला घेऊन सुद्धा चर्चेत असते. काही महिन्यांपासून रकुल प्रीत 'बाहुबली’फेम भल्लालदेव अर्थात राणा दग्गुबातीला डेट करते आहे.
काही महिन्यांपूर्वी रकुल सोफी चौधरीच्या चॅट शोमध्ये सहभागी झाली होती. यावेळी तिला राणाबद्दल विचारण्यात आले. पण आम्ही केवळ चांगले मित्र आहोत. मी फिल्मी करिअर सुरु करण्यापासून तो माझा मित्र आहे. तो माझा शेजारी आहे. शिवाय माझी बेस्ट फ्रेन्ड लक्ष्मी मांचू हिचाही मित्र आहे, असे रकुल म्हणाली. आता काय खरे ते रकुलच जाणो. पण तिच्यावर राणात काहीतरी शिजतेय इतके मात्र नक्की. रकुल गेल्या अनेक वर्षांपासून दाक्षिणात्य चित्रपटांमध्ये काम करत आहे.