Ram Charan On Oscar Natu Natu Performance: एसएस राजामौली यांच्या 'RRR' चित्रपटातील 'नाटू नाटू' या गाण्याला बेस्ट ओरिजनल साँगच्या कॅटेगरीत ऑस्कर पुरस्कार मिळाला. लॉस एंजेलिस येथील डॉल्बी थिएटरमध्ये हे गाण्यावर काही कलाकारांनी परफॉर्म देखील केलं. ऑस्कर पुरस्कार सोहळ्यात 'नाटू नाटू' या गाण्याने सर्वांचे लक्ष वेधून घेतले होते. या सोहळ्यात काल भैरव आणि राहुल सिपलीगुंज यांनी हे गाणे गायले. त्यांच्या गायनाला प्रेक्षकांनी चांगलीच दाद दिली. ऑस्कर पुरस्कार सोहळ्यात या गाण्याला 'स्टँडिंग ओव्हेशन'देखील मिळाले.
'नाटू नाटू'वर राम चरणाला ऑस्करमध्ये करायचे होते परफॉर्म इंडिया टुडेज कॉन्क्लेव्हमध्ये याबद्दल बोलताना राम चरण म्हणाले की, 95 व्या अकादमी पुरस्कारांच्या मंचावर त्याला ऑस्कर विजेते गाणं 'नाटू नाटू'वर परफॉर्म करायचे होते. या संधीसाठी आपण 100 टक्के तयार असल्याचे त्यांनी सांगितले. यासाठी त्याला कधीही फोन आला नाही. अभिनेत्याने सांगितले की त्याच्याऐवजी परफॉर्म करणारा ग्रुपसुद्धा उत्कृष्ट होता आणि त्यांनी त्यांच्यापेक्षा चांगलं परफॉर्म केलं.
'आरआरआर' चित्रपट २०२२ मध्ये प्रेक्षकांच्या भेटीला आला होता. या चित्रपटाने रेकॉर्डब्रेक कमाई केली होती. देशासह विदेशातदेखील या चित्रपटाने चांगलाच धुमाकूळ घातला. यातील 'नाटू नाटू' हे गाणे प्रेक्षकांच्या पसंतीस उतरले. हे गाणे चंद्रबोसने लिहिले आहे तर एमएस किरावणीने संगीतबद्ध केले आहे. 'नाटू नाटू' हे गाणे हिंदीत 'नाचो नाचो', तमीळमध्ये 'नट्टू कूथु' आणि कन्नडमध्ये 'हल्ली नातु' म्हणून रिलीज करण्यात आले आहे.
'ऑस्कर २०२३'मध्ये एस.एस राजामौलींच्या आरआरआर चित्रपटातील 'नाटू नाटू' या गाण्याने इतिहास घडवला आहे. ऑस्करआधी 'नाटू नाटू' या गाण्याला गोल्डन ग्लोब पुरस्कारानेही सन्मानित करण्यात आले आहे. या गाण्यावरील प्रेम रक्षित यांच्या नृत्यदिग्दर्शनालाही प्रेक्षकांनी पसंती दर्शवली आहे.