​ रणबीर कपूर करणार का आणखी एक बायोपिक?

रणबीर कपूर सध्या पूर्णपणे ‘संजय दत्त’ झालाय. म्हणजेच सध्या रणबीर संजय कपूरची भूमिका जगतोय. संजय दत्तच्या बायोपिकमध्ये रणबीर लीड रोलमध्ये आहे. या भूमिकेसाठी रणबीर किती तयारी करतोय, हे आपल्याला दिसते आहेच. आता संजय दत्तच्या बायोपिकशिवाय आणखी एका बायोपिकमध्ये रणबीर कपूर दिसणार असल्याची खबर आहे. होय, रणबीरला आणखी एका बायोपिकची आॅफर मिळाली आहे. हा चित्रपट स्वातंत्र्यासाठी प्राणाची आहुती देणाºया शहीद उधम सिंह याच्या आयुष्यावर बेतलेला असेल.शूजीत सरकार उधम सिंह यांच्या आयुष्यावर सिनेमा घेऊन येणार आहेत. या चित्रपटात शूजीत यांना रणबीर हवा आहे. सूत्रांच्या मते, सरकार यांनी रणबीरला चित्रपटाची कथा ऐकवलीय आणि रणबीरला ती प्रचंड आवडलीय. अर्थात अद्याप त्याने हा चित्रपट साईन केलेला नाही. संजय दत्तच्या बायोपिकनंतर रणबीर अयान मुखर्जीच्या ‘ड्रगन’मध्ये दिसणार आहे. देशाच्या स्वातंत्र्य युद्धात गाजलेल्या जालियनवाला बाग हत्याकांडादरम्यान उधम सिंह यांनी पंजाबचा गव्हर्नर मायकल ओ डायर याला गोळ्या घातल्या होत्या.  जालियनवाला बाग हत्याकांडात अनेक निष्पापांचा जीव गेला. याचा सूड म्हणून उधम सिंह याने लंडनला जाऊन डायरची हत्या केली होती. याप्रकरणी उधमसिंहला ३१ जुलै १९४० रोजी फासावर लटकवण्यात आले होते. रणबीरने हे बायोपिक साईन केलेच तर हे त्याचे दुसरे बायोपिक असेल. लवकरच रणबीर कपूरचा ‘जग्गा जासूस’ हा सिनेमा प्रदर्शित होत आहे. या चित्रपटात एक्स गर्लफ्रेन्ड कॅटरिना कैफ रणबीरची हिरोईन असेल. रणबीर  व कॅटरिनाची आॅनस्क्रीन केमिस्ट्री पाहायला लोक उत्सूक आहेत.