​रणबीरचा संजय दत्त ‘बायोपिक’ का रखडलाय?

जेव्हापासून राजकुमार हिराणी यांनी संजय दत्तच्या जीवनावर आधारित चित्रपट बनविण्याचा मानस जाहीर केला होता, तेव्हापासून याविषयी इंडस्ट्री आणि चाहत्यांमध्ये उत्सुकता निर्माण झाली आहे.बॉलीवूडचा ‘मुन्नाभाई’ संजय दत्तची भूमिका रणबीर कपूर साकारणार असे कळाल्यावर तर उत्सुकता आणखी ताणली गेली.पण केवळ घोषणे पलिकडे या चित्रपटाबाबत कोणतीच प्रगती दिसून येत नाहीए.चित्रपटाच्या जवळच्या सुत्राच्या म्हणण्यानुसार, स्क्रीप्ट तयार आहे. परंतु निर्मात्यांमध्ये ‘प्रोडक्श्न राईट’वरून (निर्माती हक्क) मतभेद असल्यामुळे हा प्रोजेक्ट रखडला आहे.यावर्षी सप्टेंबर महिन्यात शुटिंग सुरू होणार होती. मात्र आता ती आणखी पुढे ढकलण्यात आली आहे. ‘जग्गा जासूस’नंतर रणबीरचा हा दुसरा चित्रपट आहे जो रखडला आहे.त्यामुळे आता चाहत्यांना रणबीरच्या तोंडून ‘पच्चास तोला’ असे ऐकण्यासाठी आणखी प्रतीक्षा करावी लागणार हे खरे.