रणदीप हुड्डा म्हणजे दर्जेदार आणि नावीन्यपूर्ण भूमिका साकारणारा अभिनेता. एकदा एखादी भूमिका मनावर घेतली की त्यासाठी काहीही करण्याची तयारी तो दाखवतो, अशी त्याची ख्याती आहे. बॉलीवूड अभिनेता रणदीप हुडा कमी चित्रपटांमध्ये दिसत असला तरी त्याच्या दमदार अभिनयाने लोकांची मने जिंकली आहेत. 'सरबजीत' असो वा 'लव्ह आज कल' किंवा 'लाल रंग' आणि 'हायवे', रणदीप हुड्डाने प्रत्येक चित्रपटात अभिनयाने वेगळी छाप सोडली आहे. रणदीप हुड्डा लवकरच त्याची गर्लफ्रेंड लिन लैशरामसोबतलग्नबंधनात अडकणार आहेत. हे दोघे नोव्हेंबर महिन्याच्या शेवटी विवाहबंधनात अडकणार आहेत.
रणदीप हुड्डा आणि लिन लैशराम यांचं लग्न अगदी खाजगी असणार आहे. फक्त त्यांचा मित्रपरिवार आणि कुटुंब या लग्नात हजर असणार आहे. मात्र, लग्नाची तारीख अद्याप समोर आलेली नाही. रणदीप हुड्डाला त्याच्या लग्नावर मीडिया फोकस नको आहे. लग्न पार पडल्यानंतर तो याची घोषणा करणार आहे. लग्न मुंबईत होणार नाही. लग्नाच्या ठिकाणाबद्दल फक्त जोडप्याच्या जवळच्या लोकांनाच माहिती असणार आहे.
रणदीप आणि लिन 2016 पासून रिलेशनशिपमध्ये आहेत. मिळालेल्या माहितीनुसार, लिन ही मणिपूरची रहिवासी आहे आणि ती व्यवसायाने भारतीय मॉडेल आणि अभिनेत्री आहे.रणदीपची होणारी बायको ही त्याच्यापेक्षा 10 वर्षांनी लहान आहे. रणदीप हुड्डा 47 वर्षांचा आहे, तर लिन लैशराम 37 वर्षांची आहे. उर्मिका, रंगून आणि अवा मारिया या हिंदी चित्रपटांमध्येही काम केले आहे.
रणदीप हुड्डा यांनी 2021 साली लिनच्या वाढदिवसानिमित्त त्यांच्या नात्याची घोषणा केली होती. ते त्याला प्रेमाने हॉट फज म्हणत तिने. रणदीप हुडाच्या लग्नाच्या बातमीने अभिनेत्याचे चाहते खूप आनंदी झाले आहेत. रणदीपच्या वर्कफ्रंटबद्दल बोलायचे झाले तर तो लवकरच 'स्वातंत्र्य वीर सावरकर'मध्ये दिसणार आहे. यामध्ये तो स्वातंत्र्यसैनिकाच्या भूमिकेत आहे. यापूर्वी रणदीप ‘इन्स्पेक्टर अविनाश’ या वेबसीरिजमध्ये दिसला होता.