आयसीसी वर्ल्ड कप 2019 दरम्यान मँचेस्टरमध्ये रंगलेल्या भारत-पाकिस्तान सामन्यात अभिनेता रणवीर सिंगने माहौल केला. रणवीरने केवळ टीम इंडियाला चीअर केले नाही तर तो कॉमेंट्री करतानाही दिसला. स्टेडियममधील रणवीरचे अनेक फोटो आणि व्हिडीओ सध्या सोशल मीडियावर व्हायाल होत आहेत. यादरम्यानचा एक व्हिडीओ सध्या सगळ्यांचे लक्ष वेधून घेतोय. या व्हिडिओत रणवीर एका पाकिस्तानी चाहत्याचे सांत्वन करताना दिसतोय.होय, भारत-पाक सामना भारताने जिंकल्यानंतर भारतीय चाहते सुखावले. पण पाकिस्तानचे चाहते मात्र हिरमुसले. एका पाकिस्तानी चाहत्याला तर रडू कोसळले. रणवीरची नजर या चाहत्यावर पडली आणि त्याने त्या रडणा-या फॅनला जवळ घेत मिठी मारली.
आतिफने रणवीरचा हा व्हिडीओ सोशल मीडियावर शेअर केला आहे. ‘अपना दिल छोटा मत करो, टीमने अच्छा खेला, फिर मौका मिलेगा,’ असे रणवीर या पाकिस्तानी चाहत्याना म्हणताना दिसतोय. रणवीरचा हा मनाचा मोठेपणा पाहून अनेक चाहत्यांनी त्याचे कौतुक केले आहे.