रणवीर सिंगच्या गल्ली बॉईजमध्ये झळकणार सारा अली खान?

सारा अली खानच्या बॉलिवूड पदार्पणाची गेल्या कित्येक दिवसापासून सगळे आतुरतेने वाट पाहात आहेत. बॉलिवूडमधील प्रसिद्ध निर्माते-दिग्दर्शक तिला चित्रपटात घेण्यासाठी उत्सुक आहेत. काही दिवसांपूर्वी करण जोहरने साराला त्याच्या प्रोडक्शन हाऊसच्या चित्रपटासाठी साईन केले अशी चर्चा होती. त्यानंतर हृतिक रोशनसोबत ती डेब्यू करणार असल्याचे म्हटले जात होते. गेल्या काही दिवसांपासून झोया अख्तरच्या गल्ली बॉईज या चित्रपटात ती काम करत असल्याची चर्चा आहे. पण अद्याप अधिकृतरित्या सैफ अली खान अथवा अमृताने याबाबत घोषणा केलेली नाही.गल्ली बॉईज  हा चित्रपट सत्यघटनेवर आधारित असल्याचे म्हटले जात आहे. मुंबईच्या चाळीत राहणारा एक युवक कसा रॉकस्टार होतो हे यात दाखविण्यात येणार आहे. यात चाळीतल्या रॉकस्टारची भूमिका रणवीर सिंग साकारणार आहे तर त्याच्या नायिकेच्या भूमिकेत साराचा विचार केला जात असल्याचे म्हटले जात आहे. गेल्या काही दिवसांपासून सारा रणवीरसोबत झळकणार अशी चर्चा आहे. पण नुकतेच रणवीर आणि सारा मुंबईतील एका लग्नसोहळ्यात भेटले होते. त्यावेळी त्या दोघांनी त्यांचे एकत्र फोटो सोशल मीडियावर पोस्ट केले आहेत. त्यामुळे ते दोघे एकत्र काम करणार असल्याच्या चर्चांना पुन्हा एकदा चांगलेच ऊत आले आहे. काही दिवसांपूर्वी सारा आणि अनिल कपूरचा मुलगा हर्षवर्धन कपूरला अनेकवेळा सैफ आणि करिनाच्या घरात पाहाण्यात आले होते. त्यावेळी हर्षवर्धन आणि सारा चित्रपटात झळकणार अशी चर्चा होती. अनेक स्टारकिड्स सध्या बॉलिवूडमध्ये पदार्पण करत आहेत. सुनील शेट्टीची मुलगी आथियाने काही महिन्यांपूर्वी बॉलिवूडमध्ये आगमन केले. तिच्यानंतर आता तिचा भाऊ अयान लवकरच बॉलिवूडमध्ये एंट्री करतोय. तसेच श्रीदेवीची मुलगी जान्हवीदेखील करण जोहरच्या चित्रपटाद्वारे बॉलिवूडमध्ये एंट्री करत आहे. सैफ अली खान आणि अमृता सिंग यांची मोठी मुलगी सारा अली खानदेखील बॉलिवुडमध्ये आपले भाग्य आजमावणार अशी गेल्या कित्येक दिवसांपासून चर्चा आहे. आता सारा कोणत्या चित्रपटाद्वारे बॉलिवूडमध्ये पदार्पण करते हे लवकरच कळेल.