बॉलिवूडची सदाबहार अभिनेत्री रेखा यांचा एक जुना फोटो सोशल मीडियावर व्हायरल होतोय. या फोटोत रेखा त्यांच्या सहा बहिणींसोबत दिसत आहेत.तीन वर्षांपूर्वी रेखा यांनी आपल्या बहिणींसोबत चेन्नईच्या एका कार्यक्रमाला हजेरी लावली होती. होय, जीजी सुपर स्पेशॅलिटी हॉस्पीटलच्या उद्घाटनाला या सर्व बहिणी हजर होत्या. तेव्हाचाच हा एक फोटो.रेखा यांच्या वडिलांचे नाव जेमिनी गणेशन आहे. रेखाशिवाय जेमिनी यांना एकूण सात मुलेमुली (6 मुली आणि 1 मुलगा) आहेत. त्यांची नावे विजया चामुंडेश्वरी, सतीश कुमार, राधा उस्मान सैयद, रेवती स्वामीनाथन, कमला सेल्वराज, नारायणी गणेश आणि जया श्रीधर अशी आहेत.
पुढे जेमिनी यांनी प्रसिद्ध तेलगू अभिनेत्री पुष्पावल्लीसोबत दुसरे लग्न केले. त्यांना रेखा व राधा अशा दोन मुली झाल्यात. म्हणजेच रेखा व राधा या सख्ख्या बहिणी आहेत.
रेखाच्या मातोश्री पुष्पावल्ली या प्रसिद्ध तेलगू अभिनेत्री होत्या. त्यांनी जेमिनी गणेशन यांच्यासोबत अनेक सिनेमांमध्ये काम केले होते.