फारशी कुणाला माहित नसलेली अभिनेत्री रिया चक्रवर्ती सुशांत सिंग राजपूतच्या निधनानंतर अचानक चर्चेत आली. तिच्यावर सुशांतला आत्महत्येस प्रवृत्त केल्याचा आरोप झाला होता. त्यानंतर रियाला अनेक वादांना तोंड द्यावे लागले. इतकेच नाही ड्रग्स कनेक्शन प्रकरणी तिला तुरूंगाची हवादेखील खावी लागली. सध्या रिया जामीनावर सुटली आहे. ती पुन्हा नव्याने आयुष्य जगण्याचा प्रयत्न करते आहे. सध्या तिला बॉलिवूडमध्ये काम मिळत नसल्यामुळे रिया हैदराबादमध्ये कामाच्या शोधात आहे.
मीडिया रिपोर्ट्सनुसार, रिया लवकरच एका प्रोजेक्टमध्ये दिसणार आहे. पण, रियाने अद्याप या बातमीला दुजोरा दिला नाही. त्याचबरोबर सूत्रांचे म्हणणे आहे की, रियासाठी हे सोपे काम नाही. मात्र, पुढे जाण्यासाठी आणि पुन्हा नव्याने आयुष्य सुरु करण्यासाठी तिला हे करण्याची आवश्यकता आहे.
या चित्रपटात रियाबरोबर अमिताभ बच्चन आणि इमरान हाश्मी मुख्य भूमिकेत दिसणार आहेत. अलीकडेच ‘चेहरे’चा ट्रेलर रिलीज करण्यात आला.