Rohit Shetty : बॉलिवुड दिग्दर्शक रोहित शेट्टी मराठी कलाकारांना आवर्जुन आपल्या चित्रपटात घेतो. सिंघम (Singham) असो किंवा सिंबा (Simmba) किंवा नुकताच आलेला सर्कस (Circus) या सिनेमांमध्ये मराठी कलाकार झळकले आहेत. पण रोहित शेट्टी आणि मराठी कलाकारांमध्ये असं काय नातं आहे असा प्रश्नही पडतो.
रोहितने सांगितले कारण
'सर्कस'च्या प्रमोशन दरम्यान एका कार्यक्रमात रोहितने मराठी कलाकारांचे कौतुक केले. तसेच मराठी कालाकारांना चित्रपटात घेण्याचे कारणही सांगितले. तो म्हणाला, मराठी कलाकार हे सरळ, साधे आणि हुशार आहेत.त्यांना गर्व नसतो. चांगला अभिनय येतो म्हणून गर्व दाखवणारे अनेक कलाकार आहेत. पण मराठी कलाकार परिस्थितीशी जुळवून घेत काम करतात. तसेच मी जे चित्रपटातून कमवतो त्याचा ६० टक्के वाटा हा महाराष्ट्रातून येतो' रोहितच्या या उत्तराने मराठी लोकांचे मन जिंकले.
रोहित शेट्टीच्या ब्लॉकबस्टर ठरलेल्या सिंघम चित्रपटात अनेक मराठी कलाकारांनी काम केले आहे. अशोक सराफ (Ashok Saraf), सोनाली कुलकर्णी (Sonali Kulkarni), विजय पाटकर (Vijay Patker) हे या सिनेमात झळकले. रोहितच्या सुपरहिट गोलमाल (Golmaal) मध्ये मराठमोळा श्रेयस तळपदेही (Shreyas Talpade) मुख्य कलाकारांपैकी एक होता. रणवीर सिंगसोबत (Ranveer Singh) सिंबा चित्रपटात मराठी अभिनेत्री वैदेही परशुरामी (Vaidehi Parshurami) झळकली. तर आता येणाऱ्या सिंबा चित्रपटात आपला सिद्धू म्हणजेच सिद्धार्थ जाधव (Siddharth Jadhav) दिसणार आहे.