रोहित शेट्टीच्या आगामी चित्रपट रणवीर सिंगची हिरोईन बनणार कॅटरिना कैफ ?

गेल्या अनेक दिवसांपासून रोहित शेट्टीच्या आगामी चित्रपटात रणवीर सिंग दिसणार अशी चर्चा आहे. याबाबतची अधिकृत घोषणा अजूनपर्यंत करण्यात आलेली नाही. हैदराबादमध्ये गोलमाल अगेनच्या सेटवर रोहित शेट्टीने या गोष्टींवर पडदा उचलला आहे. रोहित शेट्टीने बॉलिवूडलाफशी बोलताना सांगितले आहे, तो रणवीर सिंगला घेऊन चित्रपट तयार करतो आहे. मात्र हा चित्रपट तयार करण्यासाठी अजून वेळ लागणार असल्याचे तो म्हणाला. कारण सध्या रणवीर पद्मावतीच्या शूटिंगमध्ये व्यस्त आहे यानंतर तो जोया अख्तरच्या गुल्ली बॉय चित्रपटात काम करणार आहे. त्यामुळे पुढच्या वर्षींच्या मध्यापर्यंत आम्ही चित्रपटाच्या शूटिंगला सुरुवात करणार आहोत. हा एक अॅक्शन चित्रपट असणार आहे. डीएनए आलेल्या वृत्तनुसार हा चित्रपट एका तेलुगू टेम्पर चित्रपटाचा रिमेक असणार आहे. मुंबई मिररच्या रिपोर्टनुसार यात रणवीरच्या अपोझिट कॅटरिना कैफला घेण्यास रोहित शेट्टी उत्सुक आहे. सध्या कॅटरिना ही चांगल्या चित्रपटांच्या शोधात मेकर्सची भेट घेते आहे. जर रोहित शेट्टीच्या चित्रपट कॅटरिना कैफ आणि रणवीर सिंगची जोडी जमली तर धमाका होईल यात काही शंका नाही. पहिल्यांदा रणवीर आणि कॅटरिना एकत्र स्क्रिन शेअर करताना दिसणार आहेत.     कॅटरिना आणि सलमान खानच्या जोडीचा टायगर जिंदा है चित्रपट ख्रिसमसमध्ये प्रेक्षकांच्या भेटीला येणार आहे. याशिवाय कॅटरिना आमिर खानच्या ठग्स ऑफ हिंदुस्तानमध्ये दिसणार आहे. हा चित्रपट पुढच्या वर्षी दिवाळीत रिलीज होणार आहे. रणवीरप्रमाणे कॅटरिनाचे ही एकामागून एक चित्रपट रिलीजसाठी तयार आहेत. रणवीर सध्या पद्मावतीच्या शूटिंगमध्ये व्यस्त आहे. यात त्याच्यासह दीपिका पादुकोण आणि शाहिद कपूरची मुख्य भूमिका आहे.