नुकताच ऋषी कपूर यांच्या ‘झूठा कहीं का’ या आगामी चित्रपटाचा ट्रेलर लॉन्च झाला. या मल्टीस्टारर चित्रपटातील एका चेह-याने सर्वांचे लक्ष वेधून घेतले. होय, हा चेहरा कुणाचा तर रूचा वैद्या हिचा. बालकलाकार म्हणून आपली ओळख निर्माण करण्यात यशस्वी ठरलेली रूचा आता मोठी झालीय आणि हिरोईन म्हणून पडद्यावर दिसणार आहे.या रूचाने अमिताभ बच्चन, अजय देवगण, हृतिक रोशन अशा अनेकांसोबत काम केले आहे. २००५ मध्ये प्रदर्शित ‘एक अजनबी’ या चित्रपटात रूचा दिसली होती. यात अमिताभ बच्चन आणि अर्जुन रामपाल मुख्य भूमिकेत होते.
यानंतर अजय देवगण स्टारर ‘मैं ऐसा ही हूं’ या चित्रपटाही रूचा बालकलाकार दिसली होती. तिच्या अदाकारीने सर्वांचीच मने जिंकली होती. यापश्चात आशुतोष गोवारीकर यांच्या ‘जोधा अकबर’ या चित्रपटातही ती दिसली होती. यात तिने जोधाच्या बालपणीची भूमिका साकारली होती. २००८ मध्ये प्रदर्शित या चित्रपटात हृतिक रोशन, ऐश्वर्या राय लीड रोलमध्ये होते. हीच रूचा आता ‘झूठा कहीं का’ या चित्रपटात एका महत्त्वपूर्ण भूमिकेत दिसणार आहे.
रूचा इन्स्टाग्रामवर प्रचंड अ‍ॅक्टिव्ह आहे. सोशल मीडियावर स्वत:चे रोज नवे फोटो ती पोस्ट करत असते. चित्रपटांशिवाय अनेक जाहिरांतीतही ती झळकली आहे.