साऊथचा सुपरस्टार प्रभास आणि श्रद्धा कपूर यांचा आगामी सिनेमा 'साहो'ची वाट त्यांचे फॅन्स मोठ्या आतुरतेने बघत आहेत. सिनेमाची घोषणा झाल्यापासून साहो वेगवेगळ्या कारणांना घेऊन चर्चेत आहे. सिनेमाचा टीझर आणि पहिले गाणं आऊट झाले आहे या गाण्याला प्रेक्षकांची चांगलीच पसंती मिळाली आहे.
याशिवाय बॉलिवूडमध्ये अक्षय कुमार स्टारर 'मिशन मंगल' आणि जॉन अब्राहमचा 'बाटला हाऊस'सुद्धा 15 ऑगस्टला रिलीज होणार आहे. 'साहो'बाबत बोलायचे झाले तर त्यात दमदार अॅक्शन सीन्स बघायला मिळणार आहेत. एक अॅक्शन शूट करण्यासाठी जवळपास 70 कोटींचा खर्च करण्यात आला आहे. प्रभास त्याच्या या सिनेमासाठी चांगलीच मेहनत घेतली आहे.
सिनेमाचे दिग्दर्शक सुजीत ही प्रत्येक अॅक्शन सीनकडे बारकाईने लक्ष दिले आहे. प्रत्येक सीनमध्ये प्रभास अतिशय प्रभावशाली दिसला पाहिजे यासाठी ते प्रयत्न करत आहेत.साहो हा सिनेमा भारतातील पहिला बहुभाषी चित्रपट असून एकाच वेळी हिंदी, तेलगू आणि तमिळ या भाषांमध्ये हा शूट केला गेला आहे. या चित्रपटात प्रभाससोबतच श्रद्धा कपूर, नील नीतिन मुकेश, जॅकी श्रॉफ, मंदिरा बेदी यांच्या मुख्य भूमिका आहेत.