Salman Khan Flaunts His Six Pack Abs : बॉलिवूडचा भाईजान सलमान खानचा आगामी ‘किसी का भाई किसी की जान’ हा सिनेमा लवकरच प्रेक्षकांच्या भेटीस येतोय. कालच या सिनेमाचा ट्रेलर रिलीज झाला. सध्या या ट्रेलरची जोरदार चर्चा आहे. ट्रेलरमधील सलमानचा ॲक्शन लुक आणि त्याच्या सिक्स पॅक्स ॲब्सनेही चाहत्यांचं लक्ष वेधून घेतलं आहे. अनेकांच्या मते, सिनेमातील सलमानचे सिक्स पॅक्स ॲब्स नकली आहेत. ही सर्व व्हीएफएक्सची कमाल आहे. सोशल मीडियावर यावरचे मीम्सही व्हायरल झालेत. आता या आरोपाला उत्तर तर द्यावं लागणारच. सलमानने तेच केलं. सलमानचे सिक्स पॅक्स ॲब्स नकली आहेत, असं म्हणणाऱ्यांना त्याने थेट भर कार्यक्रमात शर्टलेस होत उत्तर दिलं.
‘किसी का भाई किसी की जान’च्या ट्रेलर लॉन्च इव्हेंटमध्ये सलमानने शर्टलेस होत टीकाकारांना उत्तर दिलं. याचा एक व्हिडीओ सोशल मीडियावर व्हायरल होतोय. या व्हिडीओत सलमान हा त्याच्या सिक्स पॅक्स ॲब्सबद्दल बोलताना दिसत आहे. “अनेकांना माझे सिक्स पॅक्स ॲब्स फोटोशॉप आणि व्हीएफएक्सद्वारे बनवलेत असं वाटतं, पण आज मी तुम्हाला सत्य काय ते दाखवणार आहे”, असं सलमान म्हणतो आणि त्यानंतर तो भर कार्यक्रमात शर्टलेस होत आपल्या सिक्स पॅक्स ॲब्स दाखवतो. “तुम्हाला काय वाटतं हे व्हीएफएक्सद्वारे शक्य आहे का?”, असा टोलाही त्याने ट्रोलर्सला लगावला. त्याचा हा व्हिडीओ सध्या सोशल मीडियावर व्हायरल होत आहे.
सलमान किती फिटनेस फ्रीक आहे, हे सर्वांनाच ठाऊक आहे. अतिशय मेहनतीने त्याने आपली बॉडी व ॲब्स बनवले आहेत. सलमान वेळोवेळी इन्स्टाग्रामवर स्वत:चे वर्कआऊट व्हिडीओ शेअर करत असतोच.
दरम्यान ‘किसी का भाई किसी की जान’ चित्रपटाच्या ट्रेलरमध्ये सलमान खानसह दग्गुबती व्यंकटेश, पूजा भाईजानच्या ‘किसी का भाई किसी की जान’ या सिनेमाबद्दल सांगायचं झाल्यास या सिनेमात पूजा हेगडे, सिद्धार्थ निगम, राघव जुयाल, शहनाज गिल, जस्सी गिल आणि पलक तिवारी यांच्याही चित्रपटात प्रमुख भूमिका आहेत. ईदच्या मुहुर्तावर येत्या २१ एप्रिलला हा चित्रपट सर्वत्र प्रदर्शित होणार आहे.