Salman Khan Was Bitten By A Snake : बॉलिवूडचा भाईजान अर्थात सलमान खान (Salman Khan ) याचा आज वाढदिवस. आज वाढदिवस असल्याने एकीकडे भाईजानवर शुभेच्छांचा वर्षाव होतोय. दुसरीकडे सोशल मीडियावर सलमान भाईवरच्या मीम्सचा जणू पूर आला आहे. होय, कारण आहे सलमानला झालेला सर्पदंश. होय, वाढदिवसाच्या एक दिवस आधी सलमानला पनवेलच्या फार्महाऊसवर साप चावला. मग काय, या बातमीची जोरदार चर्चा झाली.
सर्पदंशानंतर सलमानला तातडीने रूग्णालयात भरती करण्यात आलं आणि काही तासानंतर त्याला रूग्णालयातून सुट्टीही देण्यात आली. पण सलमानला साप चावल्याने कळल्यानंतर त्याचे चाहते काही तास टेन्शनमध्ये आले होते. सुदैवाने साप बिनविषारी असल्यानं विघ्न टळलं. यानंतर सलमानने वाढदिवसाचं जंगी सेलिब्रेशनही केलं. यावेळी मीडियाशी बोलताना खुद्द सलमानही सर्पदंशाबद्दल मस्करी करताना दिसला. नेमका सर्पदंश कसा झाला आणि पुढे काय घडलं हे त्यानं सांगितलं. इतकंच नाही तर या गडबडीत घडलेला एक मजेशीर किस्साही त्यानं ऐकवला.
‘साप चावल्यावर उपचार वगैरे झाल्यानंतर माझ्या वडिलांनी, काय झालं? साप जिवंत आहे का? असं मला विचारलं. त्यावर ‘टायगर भी जिंदा है, और साप भी जिंदा है,’ असं मी म्हणाल्याचं त्याने सांगितलं.आता खुद्द भाईजानचं असा मस्करी करतोय म्हटल्यावर नेटकरी शांत कसे बसणार? नेटकऱ्यांनी सलमानला सर्पदंश झाल्यानंतर धम्माल मीम्स शेअर केले आहेत. सोशल मीडियावर अक्षरश: मीम्सचा पाऊस पडतोय. हे मीम्स पाहून तुम्हालाही हसू आवरणार नाही.
काहींनी या घटनेचा संदर्भ सलमाननं केलेल्या काळवीटाच्या शिकारीशी देखील जोडला आहे. पाहा तर काही भन्नाट मीम्स...