स्टार किड्स आणि फॅमिली मेबर्सनंतर ‘या’ तरुणाला लॉन्च करणार सलमान खान!

बॉलिवूड सुपरस्टार सलमान खान सध्या ‘रेस-३’ या चित्रपटाच्या प्रमोशनमध्ये व्यस्त आहे. त्याचबरोबर तो ‘दस का दम’ हा टीव्ही शोदेखील प्रमोट करीत आहे. सलमानबद्दल सांगायचे झाल्यास त्याची गणना अशा सेलिब्रिटींमध्ये केली जाते जे नव्या टॅलेंटला लॉन्च करतात. मग आदित्य पंचोलीचा मुलगा सूरज पंचोली असो वा सुनील शेट्टीची मुलगी अथिया शेट्टी असो. यासर्वांना त्याने इंडस्ट्रीत संधी दिली आहे. बहीण अर्पिता खानचा पती आयुष शर्मालाही तो लॉन्च करीत आहे. दरम्यान, याच मालिकेत आता आणखी एका नव्या स्टारचे नाव जोडले गेले आहे. याबाबतची माहिती स्वत: सलमानने सोशल मीडियाच्या माध्यमातून दिली आहे. सलमानने त्याचा एक जुना फोटो इन्स्टाग्रामवर शेअर केला आहे. ज्यामध्ये त्याच्या कडेवर एक मुलगा बघावयास मिळत आहे. हा फोटो शेअर करताना त्याने कॅप्शनमध्ये लिहिले की, ‘उद्या लॉन्च होणार. उद्या बघूया हा मुलगा कसा दिसतो.’ असा प्रश्न हा निर्माण झाला की, हा मुलगा नेमका कोण आहे, ज्यास सलमान लॉन्च करण्याची तयारी करीत आहे? तर तुमच्या माहितीसाठी हा जहीर इकबाल आहे, ज्यास जहीर रतनसी या नावानेही ओळखले जाते. जहीरविषयी फारशी माहिती नाही. तो प्रसिद्ध ज्वेलर्सचा मुलगा आहे. जहीरने इन्स्टाग्राम पेजवर सलमानच्या वाढदिवसानिमित्त हा फोटो शेअर केला होता. अभिनेत्री सोनाक्षी सिन्हाने जहीरसोबत काही दिवसांपूर्वी एक फोटो पोस्ट करताना सलमान खानला आपला सुरक्षा कवच असल्याचे म्हटले होते. यावेळी जहीरने सलमानसोबत बरेचसे फोटोही शेअर केले. त्याचे फोटो बघून असेच वाटत आहे की, तो सलमान खानच्या क्लोज सर्कलमध्ये असावा. दरम्यान, सलमान खानच्या त्याच्या प्रॉडक्शन हाउसअंतर्गत बनविल्या जात असलेल्या चित्रपटातून जहीरला लॉन्च करणार आहे. एसकेएफ आणि मुबारका फिल्मस मेकर्ससोबत तो या चित्रपटाची निर्मिती करणार आहे.