सलमान खानच्या ‘बॉडीगार्ड’ शेराचा माधुरी दीक्षितने केला सन्मान!

सुपरस्टार सलमान खान याच्या लोकप्रियतेविषयी सांगायचे झाल्यास देश-विदेशात त्याचे कोट्यवधी चाहते आहेत. खरं तर सलमान खानच्या जो कोणी सहवासात येतो, त्याला तुफान लोकप्रियता मिळते. मग त्याच्यासोबत काम करणारा सहकलाकार असो वा त्याचा बॉडीगार्ड असो. होय, सलमान खानच्या संरक्षणाची जबाबदारी असलेला शेरा हादेखील प्रचंड लोकप्रिय असून, इंडस्ट्रीत त्याचाही दबदबा बघावयास मिळतो. गेल्या वीस वर्षांपासून शेरा सलमानच्या संरक्षणाची जबाबदारी समर्थपणे पार पाडत आहे. सलमान जिथे जातो तिथे तो त्याच्यासोबत असतो. बॉलिवूडमध्ये तर शेराला सलमानचा पर्सनल बॉडीगार्ड म्हणून ओळखले जाते. त्यामुळे त्याची ओळख एखाद्या बॉडीगार्डप्रमाणे नसून, एका सेलिब्रिटीप्रमाणे आहे. सलमानच्या संरक्षणासाठी दिवस-रात्र त्याच्या पाठीशी उभा राहणाºया शेराचा इंडस्ट्रीत जबरदस्त दबदबा आहे. नुकतेच त्याच्या एजंसीला बेस्ट सेक्युरिटी अवॉर्डने सन्मानित करण्यात आले. हा अवॉर्ड स्वत: शेराने स्वीकारला असून, बॉलिवूडची धकधक गर्ल माधुरी दीक्षितच्या हस्ते त्याला हा अवॉर्ड प्रदान करण्यात आला. यावेळी शेराच्या चेहºयावरील हास्य स्पष्टपणे दिसून येत होते. दरम्यान, शेराने बॉलिवूडपटातही नशीब आजमाविले आहे. अर्थातच ही संधी सलमाननेच त्याला मिळवून दिली आहे. सलमान खानच्या ‘बॉडीगार्ड’ या चित्रपटात शेरा बघावयास मिळाला होता. या चित्रपटाच्या टायटल ट्रॅकमध्ये शेरा गाताना अन् डान्स करताना बघावयास मिळाला. सलमानने एकदा त्याचा वीस वर्षीय मुलगा टायगरचे कौतुक करताना म्हटले होते की, त्याची पर्सनालिटी आणि लूक बघून हे मी सांगू शकतो की, आमच्याकडे आणखी एक हीरो आहे. वयाच्या विसाव्या वर्षीच तो खूप प्रतिभाशाली आहे. यावर शेराने म्हटले होते की, होय हे खरं आहे की, माझ्या मुलाला सलमानच बॉलिवूडमध्ये लॉन्च करणार आहे. हे माझ्यासाठी खूपच मोठी बाब आहे.